کفن کے احکام

576۔ مسلمان میت کو تین کپڑوں کو کفن دینا ضروری هے جنهیں لنگ، کُرته اور چادر کها جاتا هے۔

577۔ احتیاط کی بنا پر ضروری هے که لنگ ایسی هو جو ناف سے گھٹنوں تک بدن کی اطراف کو ڈھانپ لے اور بهتر یه هے که سینے سے پاوں تک پهنچے اور (کُرته یا) پیراهن احتیاط کی بنا پر ایسا هو که کندھوں کے سروں سے آدھی پنڈلیوں تک تمام بدن کو ڈھانپے اور بهتر یه هے که پاوں تک پهنچے اور چادر کی لمبائی اتنی هونی چاهئے که پورے بدن کو ڈھانپ دے اور احتیاط یه هے که چادر کی لمبائی اتنی هونی چاهئے که میت کے پاوں اور سر کی طرف سے گره دے سکیں اور اس کی چوڑائی اتنی هونی چاهئے که اس کا ایک کناره دوسرے کناره پر آسکے۔

578۔ لنگ کی اتنی مقدار جو ناف سے گھٹنوں تک کے حصے کو ڈھانپ لے اور (کُرتے یا) پیراهن کی اتنی مقدار هو جو کندھے سے نصف پنڈلی ڈھانپ لے کفن کے لئے واجب هے اور اس مقدار سے زیاده جو کچھ سابقه مسئلے میں بتایا گیا هے وه کفن کی مستحب مقدار هے۔

579۔ واجب مقدار کی حد تک کفن جس کا ذکر سابقه مسئله میں هو چکا هے میت کے اصل مال سے لیا جاتا هے اور ظاهر یه هے که مستحب مقدار کی حد تک کفن میت کی شان اور عرف عام کو پیش نظر رکھتے هوئے میت کے اصل مال سے لیا جائے اگرچه احتیاط مستحب یه هے که واجب مقدار سے زائد کفن ان وارثوں کے حصے سے نه لیا جائے جو ابھی بالغ نه هوئے هوں۔

580۔ اگر کسی شخص نے وصیت کی هو که مستحب کفن کی مقدار جس کا ذکر دو سابقه مسائل میں آچکا هے اس کے تهائی مال سے لی جائے یا یه وصیت کی هو که اس کا تهائی مال خود اس پر خرچ کیا جائے لیکن اس کے مَصرَف کا تعین نه کیا هو یا صرف اس کے کچھ حصے کے مَصرَف کا تعین کیا هو تو مستحب کفن اس کے تهائی مال سے لیا جاسکتا هے۔

ص:120

581۔ اگر مرنے والے نے یه وصیت نه کی هو که کفن اس کے تهائی مال سے لیا جائے اور متعلقه اشخاص چاهیں که اس کے اصل مال سے لیں تو جو بیان مسئله 579 میں گزر چکا هے اس سے زیاده نه لیں مثلاً وه مستحب کام جو که معمولا انجام نه دیئے جاتے هوں اور جو میت کی شان کے مطابق بھی نه هوں تو ان کی ادائیگی کے لئے هرگز اصل مال سے نه لیں اور بالکل اسی طرح اگر کفن معمول سے زیاده قیمتی هو تو اضافی رقم کو میت کے اصل مال سے نهیں لینا چاهئے لیکن جو ورثاء بالغ هیں اگر وه اپنے حصے میں سے لینے کی اجازت دیں تو جس حد تک وه لوگ اجازت دیں ان کے حصے سے لیا جاسکتا هے۔

582۔ عورت کے کفن کی ذمه داری شوهر پر هے خواه عورت اپنا مال بھی رکھتی هو۔ اسی طرح اگر عورت کو اس تفصیل کے مطابق جو طلاق کے احکام میں آئے گی طلاق رَجعی دی گئی هو اور وه عدت ختم هونے سے پهلے مر جائے تو شوهر کے لئے ضروری هے که اسے کفن دے۔ اور اگر شوهر بالغ نه هو یا دیوانه هو تو شوهر کے ولی کو چاهئے که اس کے مال سے عورت کو کفن دے۔

583۔ میت کو کفن دینا اس کے قرابت داروں پر واجب نهیں گو اس کی زندگی میں اخراجات کی کفالت ان پر واجب رهی هو۔

584۔ احتیاط یه هے که کفن کے تینوں کپڑوں میں سے هر کپڑا اتنا باریک نه هو که میت کا بدن اس کے نیچے سے نظر آئے لیکن اگر اس طرح هو که تینوں کپڑوں کو ملا کر میت کا بدن اس کے نیچے سے نظر نه آئے تو بنابر اقوی کافی هے۔

585۔ غصب کی هوئی چیز کا کفن دینا خواه کوئی دوسری چیز میسر نه هو تب بھی جائز نهیں هے پس اگر میت کا کفن غَصبی هو اور اس کا مالک راضی نه هو تو وه کفن اس کے بدن سے اتار لینا چاهئے خواه اس کو دفن بھی کیا جاچکا هو لیکن بعض صورتوں میں (اس کے بدن سے کفن اتارنا جائز نهیں) جس کی تفصیل کی گنجائش اس مقام پر نهیں هے۔

586۔ میت کو نجس چیز یا خالص ریشمی کپڑے کا کفن دینا (جائز نهیں) اور احتیاط کی بنا پر سونے کے پانی سے کام کئے هوئے کپڑے کا کفن دینا (بھی) جائز نهیں لیکن مجبوری کی حالت میں کوئی حرج نهیں هے۔

587۔ میت کو نجش مُردار کی کھال کا کفن دینا اختیاری حالت میں جائز نهیں هے بلکه پاک مُردار کی کھال کو کفن دینا بھی جائز نهیں هے اور احتیاط کی بنا پر کسی ایسے کپڑے کا کفن دینا جو ریشمی هو یا اس جانور کی اون سے تیار کیا گیا هو جس کا گوشت

ص:121

کھانا حرام هو اختیاری حالت میں جائز نهیں هے لیکن اگر کفن حلال گوشت جانور کی کھال یا بال اور اون کا هو تو کوئی حرج نهیں اگرچه احتیاط مستحب یه هے که ان دونوں چیزوں کا بھی کفن نه دیا جائے۔

588۔ اگر میت کا کفن اس کی اپنی نجاست یا کسی دوسری نجاست سے نجس هو جائے تو (نجاست لگنے سے) کفن ضائع نهیں هوتا (ایسی صورت میں) جتنا حصه نجس هوا هو اسے دھونا یا کاٹنا ضروری هے خواه میت کو قبر میں هی کیوں نه اتارا جاچکا هو۔ اور اگر اس کا دھونا یا کاٹنا ممکن نه هو لیکن بدل دینا ممکن هو تو ضروری هے که بدل دیں۔

589۔ اگر کوئی ایسا شخص مر جائے جس نے حج یا عمرے کا احرام باندھ رکھا هو تو اسے دوسروں کی طرح کفن پهنانا ضروری هے اور اس کا سر اور چهره ڈھانک دینے میں کوئی حرج نهیں۔

590۔ انسان کے لئے اپنی زندگی میں کفن، بیری اور کافور کا تیار رکھنا مستحب هے۔