کرائے کے متفرق مسائل

ص:414

2201۔ جو مال مُستَاجِر اجارے کے طور پر دے رها هو ضروری هے که وه مال معلوم هو۔ لهذا اگر ایسی چیزیں هوں جن کالین دین تول کر کیا جاتا هے مثلاً گیهوں تو ان کا وزن معلوم هونا ضروری هے اور اگر ایسی چیزیں هوں جن کا لین دین گن کر کیا جاتا هے مثلاً رائج الوقت سکے تو ضروری هے که ان کی تعداد معین هو اور اگر وه چیزیں گھوڑے اور بھیڑ کی طرح هوں تو ضروری هے که کرایه لینے والا انهیں دیکھ لے مستاجران کی خصوصیات بتادے۔

2202۔اگر زمین زراعت کے لئے کرائے پر دی جائے اور اس کی اجرت اسی زمین کی پیدوار قرار دی جائے جو اس وقت موجود نه هو یا کلی طور پر کوئی چیز اس کے ذمے قرار دے اس شرط پر که وه اسی زمین کی پیداوار سے ادا کی جائے گی تو اجاره صحیح نهیں هے اور اگر اجرت (یعنی اس زمین کی پیداوار ) اجاره کرتے وقت موجود هو تو پھر کوئی حرج نهیں هے۔

2203۔ جس شخص نے کوئی چیز کرائے پر دی هو وه اس چیز کو کرایه دار کی تحویل میں دینے سے پهلے کرایه مانگنے کا حق نهیں رکھتا نیز اگر کوئی شخص کسی کام کے لئے اجیر بنا هو تو جب تک وه کام انجام نه دے دے اجرات کا مطالبه کرنے کا حق نهیں رکھتا مگر بعض صورتوں میں، مثلاً حج کی ادائیگی کے لئے اجیر جسے عموماً عمل کے انجام دینے سے پهلے اجرت دے دی جاتی هے (اجرت کا مطالبه کرنے کا حق رکھتا هے)۔

2204۔ اگر کوئی شخص کرائے پر دی گئی چیز کرایه دار کی تحویل میں دے دے تو اگرچه کرایه دار اس چیز پر قبضه نه کرے یا قبضه حاصل کرلے لیکن اجاره ختم هونے تک اس سے فائده نه اٹھائے پھر بھی ضروری هے که مالک کو اجرت ادا کرے۔

2205۔ اگر ایک شخص کوئی کام ایک معین دن میں انجام دینے کے لئے اجیر بن جائے اور اس دن وه کام کرنے کے لئے تیار هو جائے تو جس شخص نے اسے اجیر بنایا هے خواه وه اس دن اس سے کام نه لے ضروری هے که اس کی اجرت اسے دے دے۔ مثلاً اگر کسی درزی کو ایک معین دن لباس سینے کے لئے اجیر بنائے اور درزی اس دن کام کرنے پر تیار هو تو اگرچه مالک اسے سینے کے لئے کپڑا نه دے تب بھی ضروری هے که اسے اس کی مزدوری دے دے۔ قطع نظر اس سے که درزی بیکار رها هو اس نے اپنا یا کسی دوسرے کا کام کیا هو۔

2206۔ اگر اجارے کی مدت ختم هو جانے کے بعد معلوم هو که اجاره باطل تھا تو مستاجر کےلئے ضروری هے که عام طور پر اس چیز کا جو کرایه هوتا هے مال کے مالک کو دے دے مثلاً اگر وه ایک مکان سو روپے کرائے پر ایک سال کے لئے لے اور بعد میں اسے پتا چلے که اجاره باطل تھا تو اگر اس مکان کا کرایه عام طور پر پچاس روپے هو تو ضروری هے که پچاس

ص:415

روپے دے اور اگر اس کا کرایه عام طور پر دو سو روپے هو تو اگر مکان کرایه پر دینے والا مالک مکان هو یا اس کا وکیل مطلق هو اور عام طور پر گھر کے کرائے کی جو شرح هو اسے جانتا هو تو ضروری نهیں هے که مستاجر سو روپے سے زیاده دے اور اگر اس کے برعکس صورت میں هو تو ضروری هے مستاجر دو سو روپے دے نیز اگر اجارے کی کچھ مدت گزرنے کے بعد معلوم هو که اجاره باطل تھا تو جو مدت گزر چکی هو اس پر بھی یهی حکم جاری هوگا۔

2207۔ جس چیز کو اجارے پر لیا گیا هو اگر وه تلف هو جائے اور مستاجر نے اس کی نگهداشت میں کوتاهی نه برتی هو اور اسے غلط طور پر استمعال نه کیا هو تو (پھر وه اس چیز کے تلف هونے کا) ذمے دار نهیں هے۔ اسی طرح مثال کے طور پر اگر درزی کو دیا گیا کپڑا تلف هو جائے تو اگر درزی نے بے احتیاطی نه کی هو اور کپڑے کی نگهداشت میں بھی کوتاهی نه برتی هو تو ضروری هے که وه اس کا عوض اس سے طلب نه کرے۔

2208۔ جو چیز کسی کاریگر نےلی هو اگر وه اسے ضائع کر دے تو (وه اس کا ) ذمه دار هے۔

2209۔ اگر قصاب کسی جانور کا سر کاٹ ڈالے اور اسے حرام کر دے تو خواه اس نے مزدوری لی هو یا بلامعاوضه ذبح کیا هو ضروری هے که جانور کی قیمت اس کے مالک کو ادا کرے۔

2210۔ اگر کوئی شخص ایک جانور کرائے پر لے اور معین کرے که کتنا بوجھ اس پر لادے گا تو اگر وه اس پر مُعَیَّنَه مقدار سے زیاده بوجھ لادے اور اس وجه سے جانور مرجائے یا عیب دار هو جائے تو مستاجر ذمے دار هے۔ نیز اگر اس نے بوجھ کی مقدار مُعَیَّن نه کی هو اور معمول سے زیاده بوجھ جانور پر لادے اور جانور مر جائے یا عیب دار هو جائے تب بھی مَستَاجِر ذمے دار هے اور دونوں صورتوں میں مستاجر کے لئے یه بھی ضروری هے که معمول سے زیاده اجرت ادا کرے۔

2211۔ اگر کوئی شخص حیوان کو ایسا (نازک) سامان لادنے کے لئے کرائے پر دے جو ٹوٹنے والا هو اور جانور پھسل جائے یا بھاگ کھڑا هو اور سامان کو توڑ پھوڑ دے تو جانور کا مالک ذمے دار نهیں هے۔ هاں اگر مالک جانور کو معمول سے زیاده مارے یا ایسی حرکت کرے جس کی وجه سے جانور گر جائے اور لدا هوا سامان توڑ دے تو مالک ذمے دار هے۔

2212۔ اگر کوئی شخص بچے کا ختنه کرے اور وه اپنے کام میں کوتاهی یا غلطی کرے مثلاً اس نے معمول سے زیاده (چمڑا) کاٹا هو اور وه بچه مرجائے یا اس میں کوئی نقص پیدا هوجائے تو وه ذمے دار هے اور اگر اس نے کوتاهی یا غلطی نه کی هو اور بچه ختنه کرنے سے هی مرجائے یا اس میں کوئی عیب پیدا هو جائے چنانچه اس بات کی تشخیص کے لئے که بچے کے لئے نقصان

ص:416

ده هے یا نهیں اس کی طرف رجوع نه کیا گیا هو نیز وه یه بھی نه جانتا هو که بچے کو نقصان هوگا تو اس صورت میں وه ذمے دار نهیں هے۔

2213۔اگر معالج اپنے هاتھ سے کسی مریض کو دوا دے یا اس کے لئے دوا تیار کرنے کو کهے اور دوا کھانے کی وجه سے مریض کو نقصان پهنچے یا وه مر جائے تو معالج ذمه دار هے اگرچه اس نے علاج کرنے میں کوتاهی نه کی هو۔

2214۔ جب معالج مریض سے کهه دے اگر تمهیں کوئی ضرر پهنچا تو میں ذمے دار نهیں هوں اور پوری احتیاط سے کام لے لیکن اس کے باوجود اگر مریض کو ضرر پهنچے یا وه مرجائے تو معالج ذمے دار نهیں هے۔

2215۔ کرائے پر لینے والا اور جس شخص نے کوئی چیز کرائے پر دی هو، وه ایک دوسرے کی رضامندی سے معامله فسخ کرسکتے هیں اور اگر اجارے میں یه شرط عائد کریں که وه دونوں یا ان میں سے کوئی ایک معاملے کو فسخ کرنے کا حق رکھتا هے تو وه معاهدے کے مطابق اجاره فسخ کرسکتے هیں۔

2216۔ اگر مال اجاره پر دینے والے یا مستاجر کو پتا چلے که وه گھاٹے میں رها هے تو اگر اجاره کرنے کے وقت وه اس امر کی جانب متوجه نه تھا که وه گھاٹے میں هے تو وه اس تفصیل کے مطابق جو مسئله 2132 میں گزر چکی هے اجاره فسخ کر سکتا هے لیکن اگر اجارے کے صیغے میں یه شرط عائد کی جائے که اگر ان میں سے کوئی گھاٹے میں بھی رهے گا تو اسے اجاره فسخ کرنے کا حق نهیں هوگا تو پھر وه اجاره فسخ نهیں کرسکتے۔

2217۔ اگر ایک شخص کوئی چیز ادھار پر دے اور اس سے پهلے که اس کا قبضه مستاجر کو دے کوئی اور شخص اس چیز کو غصب کرلے تو مستاجر اجاره فسخ کر سکتا هے اور جو چیز اس نے اجارے پر دینے والے کو دی هو اسے واپس لے سکتا هے۔ یا (یه بھی کر سکتا هے که) اجاره فسخ نه کرے اور جتنی مدت وه چیز غاصب کے پاس رهی هو اس کی عام طور پر جتنی اجرت بنے وه غاصب سے لے لے لهذا اگر مستاجر ایک حیوان کا ایک مهینے کا اجاره دس روپے کے عوض کرے اور کوئی شخص اس حیوان کو دس دن کے لئے غصب کر لے اور عام طور پر اس کا دس دن کا اجاره پندره روپے هو تو مستاجر پندره روپے غاصب سے لے سکتے هے۔

ص:417

2218۔ اگر کوئی دوسرا شخص مستاجر کو اجاره کرده چیز اپنی تحویل میں نه لینے دے یا تحویل میں لینے کے بعد اس پر ناجائز قبضه کرلے یا اس سے استفاده کرنے میں حائل هو تو مستاجر اجاره فسخ نهیں کر سکتا اور صرف یه حق رکھتا هے که اس چیز کا عام طور پر جتنا کرایه بنتا هو وه غاصب سے لے لے۔

2219۔ اگر اجارے کی مدت ختم هونے سے پهلے مالک اپنا مال مستاجر کے هاتھ بیچ ڈالے تو اجاره فسخ نهیں هوتا اور مستاجر کو چاهئے که اس چیز کا کرایه مالک کو دے اور اگر (مالک مستاجر کے علاوه) اس (مال) کو کسی اور شخص کے هاتھ بیچ دے تب بھی یهی حکم هے۔

2220۔ اگر اجارے کی مدت شروع هونے سے پهلے جو چیز اجارے پر لی هے وه اس استفادے کے قابل نه رهے جس کا تعین کیا گیا تھا تو اجاره باطل هوجاتا هے اور مستاجر اجاره کی رقم مالک سے واپس لے سکتا هے اور اگر صورت یه هو که اس مال سے تھوڑا سا استفاده کیا جاسکتا هو تو مستاجر اجاره فسخ کر سکتا هے۔

2221۔ اگر ایک شخص کوئی چیز اجارے پر لے اور وه کچھ مدت گزرنے کے بعد جو استفاده مستاجر کے لئے طے کیا گیا هو اس کے قابل نه رهے تو باقی مانده مدت کے لئے اجاره باطل هوجاتا هے اور مستاجر گزری هوئی مدت کا اجاره "اُجرَۃُ المِثل" یعنی جتنے دن وه چیز استعمال کی هو اتنے دنوں کی عام اجرت دے کر اجاره فسخ کرسکتا هے۔

2222۔اگر کوئی شخص ایسا مکان کرائے پر دے جس کے مثلاً دو کمرے هوں اور ان میں سے ایک کمره ٹوٹ پھوٹ جائے لیکن اجارے پر دینے والا اس کمره کو (مرمت کرکے) اس طرح بنادے جس میں سابقه کمرے کے مقابلے میں کافی فرق هو تو اس کے لئے وهی حکم هے جو اس سے پهلے والے مسئلے میں بتایا گیا هے اور اگر اس طرح نه هو بلکه اجارے پر دینے والا اسے فوراً بنا دے اور اس سے استفاده حاصل کرنے میں بھی قطعاً فرق دافع نه هو تو اجاره باطل نهیں هوتا۔ اور کرائے دار بھی اجارے کو فسخ نهیں کرسکتا لیکن اگر کمرے کی مرمت میں قدرے تاخیر هو جائے اور کرائے دار اس سے استفاده نه کر پائے تو اس "تاخیر" کی مدت تک کا اجاره باطل هوجاتا هے اور کرائے دار چاهے تو ساری مدت کا اجاره بھی فسخ کرسکتا هے البته جتنی مدت اس نے کمرے سے استفاده کیا هے اس کی اُجرَۃُ المِثل دے۔

2223۔اگر مال کرائے پر دینے والا یا مستاجر مر جائے تو اجاره باطل نهیں هوتا لیکن اگر مکان کا فائده صرف اس کی زندگی میں هی اس کا هو مثلاً کسی دوسرے شخص نے وصیت کی هو که جب تک وه (اجارے پر دینے والا) زنده هے مکان

ص:418

کی آمدنی اس کا مال هوگا تو اگر وه مکان کرائے پر دے دے اور اجاره کی مدت ختم هونے سے پهلے مرجائے تو اس کے مرنے کے وقت سے اجاره باطل هے اور اگر موجوده مالک اس اجاره کی تصدیق کر دے تو اجاره صحیح هے اور جارے پر دینے والے کے موت کے بعد اجارے کی جو مدت باقی هوگی اس کی اجرت اس شخص کو ملے گی جو موجوده مالک هو۔

2224۔ اگر کوئی شخص کسی معمار کو اس مقصد سے وکیل بنائے که وه اس کے لئے کاریگر مهیا کرے تو اگر معمار نے جو کچھ اس شخص سے لے لیا هے کاریگروں کو اس سے کم دے تو زائد مال اس پر حرام هے اور اس کے لئے ضروری هے که وه رقم اس شخص کو واپس کر دے لیکن اگر معمار اجبیر بن جائے که عمارت کو مکمل کر دے گا اور وه اپنے لئے یه اختیار حاصل کرلے که خود بنائے گا یا دوسرے سے بنوائے گا تو اس صورت میں که کچھ کام خود کرے اور باقیمانده دوسروں سے اس اجرت سے کم پر کروائے جس پر وه خود اجیر بنا هے تو زائد رقم اس کے لئے حلال هوگی۔

2225۔ اگر رنگریز وعده کرے که مثلاً کپڑا نیل سے رنگے گا تو اگر وه نیل کے بجائے اسے کسی اور چیز سے رنگ دے تو اسے اجرت لینے کا کوئی حق نهیں۔