وه مقامات جهاں نماز پڑھنا مستحب هے

902۔ اسلام کی مقدس شریعت میں بهت تاکید کی گئی هے که نماز مسجد میں پڑھی جائے۔ دنیا بھر کی ساری مسجدوں میں سب سے بهتر مسجد الحرام اور اس کے بعد مسجد نبوی هے اور اس کے بعد مسجد کوفه اور اس کے بعد بیت المقدس کا درجه هے۔ اس کے بعد شهر کی جامع اور اس کے بعد محلے کی مسجد اور اس کے بعد بازار کی مسجد کا نمبر آتا هے۔

903۔ عورتوں کے لئے بهتر هے که نماز ایسی جگه پڑھیں جو نا محرم سے محفوظ هونے کے لحاظ سے دوسری جگهوں سے بهتر هو خواه وه جگه مکان یا مسجد یا کوئی اور جگه هو۔

904۔ ائمه اهل بیت علیهم السلام کے حرموں میں نماز پڑھنا مستحب هے بلکه مسجد میں نماز پڑھنے سے بهتر هے اور روایت هے که حضرت امیر المومنین علیه السلام کے حرم پاک میں نماز پڑھنا دو لاکھ نمازوں کے برابر هے۔

905۔ مسجد میں زیاده جانا اور اس مسجد میں جانا آباد نه هو (یعنی جهاں لوگ بهت کم نماز پڑھنے آتے هوں) مستحب هے اور اگر کوئی شخص مسجد کے پڑوس میں رهتا هو اور کوئی عذر بھی نه رکھتا هو تو اس کے لئے مسجد کے علاوه کسی اور جگه نماز پڑھنا مکروه هے۔

906۔ جو شخص مسجد میں نه آتا هو، مستحب هے که انسان اس کے ساتھ مل کر کھانا کھائے، اپنے کاموں میں اس سے مشوره نه کرے، اس کے پڑوس میں نه رهے اور نه اس سے عورت کا رشته لے اور نه اسے رشته دے۔ (یعنی اس کا سوشل بائیکاٹ کرے)۔