نماز کے پڑھنے کی جگه

نماز پڑھنے والے کی جگه کی سات شرطیں هیں :

پهلی شرط یه هے که وه مباح هو۔

ص:178

875۔ جو شخص غصبی جگه پر اگرچه وه قالین، تخت اور اسی طرح کی دوسری چیزیں هوں، نماز پڑھ رها هو تو احتیاط لازم کی بنا پر اس کی نماز باطل هے لیکن غصبی چھت کے نیچے اور غصبی خیمے میں نماز پڑھنے میں کوئی حرج نهیں هے۔

876۔ ایسی جگه نماز پڑھنا جس کی منفعت کسی اور کی ملکیت هو تو منفعت کے مالک کی اجازت کے بغیر وهاں نماز پڑھنا غصبی جگه پر نماز پڑھنے کے حکم میں هے مثلاً کرائے کے مکان میں مالک مکان یا اس شخص کی اجازت کے بغیر که جس نے وه مکان کرائے پر لیا هے نماز پڑھے تو احتیاط کی بنا پر اس کی نماز باطل هے۔ اور اگر مرنے والے نے وصیت کی هو که اس کے مال کا تیسرا حصه فلاں کام پر خرچ کیا جائے تو جب تک که تیسرے حصے کو جدا نه کریں اس کی جائداد میں نماز نهیں پڑھی جاسکتی۔

877۔ اگر کوئی شخص مسجد میں بیٹھا هو اور دوسرا شخص اسے باهر نکال کر اس کی جگه پر قبضه کرے اور اس جگه نماز پڑھے تو اس کی نماز صحیح هے اگرچه اس نے گناه کیا هے۔

878۔اگر کوئی شخص کسی ایسی جگه نماز پڑھے جس کے غصبی هونے کا اسے علم نه هو اور نماز کے بعد اسے پته چلے یا ایسی جگه نماز پڑھے جس کے غصبی هونے کو وه بھول گیا هو اور نماز کے بعد اسے یاد آئے تو اس کی نماز صحیح هے۔ لیکن کوئی اسیا شخص جس نے خود وه جگه غصب کی هو اور وه بھول جائے اور وهاں نماز پڑھے تو اس کی نماز احتیاط کی بنا پر باطل هے۔

879۔ اگر کوئی شخص جانتا هو که یه جگه غصبی هے اور اس میں تصرف حرام هے لیکن اسے یه علم نه هو که غصبی جگه پر نماز پڑھنے میں اشکال هے اور وه وهاں نماز پڑھے تو احتیاط کی بنا پر اس کی نماز باطل هے۔

880۔ اگر کوئی شخص واجب نماز سواری کی حالت میں پڑھنے پر مجبور هو اور سواری کا جانور یا اس کی زین یا نعل غصبی هو تو اس کی نماز باطل هے اور اگر وه شخص اس جانور پر سواری کی حالت میں مستحب نماز پڑھنا چاهے تو اس کا بھی یهی حکم هے۔

881۔ اگر کوئی شخص کسی جائداد میں دوسرے کے ساتھ شریک هو اور اس کا حصه جدا نه هو تو اپنے شراکت دار کی اجازت کے بغیر وه اس جائداد پر تصرف نهیں کر سکتا اور اس پر نماز نهیں پڑھ سکتا۔

882۔اگر کسی شخص ایک ایسی رقم سے کوئی جائداد خریدے جس کا خمس اس نے ادا نه کیا هو تو اس جائداد پر اس کاتصرف حرام هے۔ اور اس میں اس کی نماز جائز نهیں۔

ص:179

883۔اگر کسی جگه کا مالک زبان سے نماز پڑھنے کی اجازت دے دے اور انسان کو علم هو که وه دل سے راضی نهیں هے تو اس کی جگه پر نماز پڑھنا جائز نهیں اور اگر اجازت نه دے لیکن انسان کو یقین هو که وه دل سے راضی هے تو نماز پرھنا جائز هے۔

884۔ جس متوفی نے زکوۃ اور اس جیسے دوسرے مالی واجبات ادا نه کئے هوں اس کی جائداد میں تصرف کرنا اگر واجبات کی ادائیگی میں مانع نه هو مثلاً اس کے گھر میں ورثاء کی اجازت سے نماز پڑھی جائے تو اشکال نهیں هے۔ اسی طرح اگر کوئی شخص وه رقم جو متوفی کے ذمے هو ادا کر دے یا یه ضمانت دے که ادا کر دے گا تو اس کی جائداد میں تصرف کرنے میں بھی کوئی اشکال نهیں هے۔

885۔ اگر متوفی لوگوں کا مقروض هو تو اس کی جائداد میں تصرف کرنا اس مردے کی جائداد میں تصرف کرنے کے حکم میں هے جس نے زکوٰۃ اور اس کی مانند دوسرے مالی واجبات ادا نه کئے هوں۔

886۔اگر متوفی کے ذمے قرض نه هو لیکن اس کے بعض ورثاء کم سن یا مجنون یا غیر حاضر هوں تو ان کے ولی کی اجازت کے بغیر اس کی جائداد میں تصرف حرام هے اور اس میں نماز جائز نهیں۔

887۔کسی کی جائداد میں نماز پڑھنا اس صورت میں جائز هے جبکه اس کا مالک صریحاً اجازت دے یا کوئی ایسی بات کهے جس سے معلوم هو که اس نے نماز پڑھنے کی اجازت دے دی هے مثلاً اگر کسی شخص کو اجازت دے که اس کی جائداد میں بیھٹے یا سوئے تو اس سے سمجھا جاسکتا هے که اس نے نماز پڑھنے کی اجازت بھی دے دی هے یا مالک کے راضی هونے پر دوسری وجوهات کی بناء پر اطمینان رکھتا هو۔

888۔ وسیع و عریض زمین میں نماز پڑھنا جائز هے اگرچه اس کا مالک کم سن یا مجنون هو یا وهاں نماز پڑھنے پر راضی نه هو۔ اسی طرح وه زمینیں که جن کے دروازے اور دیوار نه هوں ان میں ان کے مالک کی اجازت کے بغیر نماز پڑھ سکتے هیں۔ لیکن اگر مالک کمسن یا مجنون هو یا اس کے راضی نه هونے کا گمان هو تو احتیاط لازم یه هے که وهاں نماز یه پڑھی جائے۔

889۔ (دوسری شرط) ضروری هے که نمازی کی جگه واجب نمازوں میں ایسی نه هو که تیز حرکت نمازی کے کھڑے هونے یارکوع اور سجود کرنے میں مانع هو بلکه احتیاط لازم کی بنا پر ضروری هے که اس کے بدن کو ساکن رکھنے میں بھی مانع نه هو اور اگر وقت کی تنگی یا کسی اور وجه سے ایسی جگه مثلاً بس، ٹرک، کشتی یاریل گاڑی میں نماز پڑھے تو جس قدر ممکن هو

ص:180

بدن کے ٹھهراو اور قبلے کی سمت کا خیال رکھے اور اگر ٹرانسپورٹ قبلے سے کسی دوسری طرف مڑ جائے تو اپنا منه قبلے کی جانب موڑ دے۔

890۔جب گاڑی، کشتی یاریل گاڑی وغیره کھڑی هوئی هوں تو ان میں نماز پڑھنے میں کوئی حرج نهیں اور اسی طرح جب چل رهی هوں تو اس حد تک نه هل جل رهی هوں که نمازی بدن کے بدن کے ٹھهراو میں حائل هوں۔

891۔ گندم، جو اور ان جیسی دوسری اجناس کے ڈھیر پر جو هلے جلے بغیر نهیں ره سکتے نماز باطل هے۔ (بوریوں کے ڈھیر مراد نهیں هیں)۔

(تیسری شرط) ضروری هے که انسان ایسی جگه نماز پڑھنے جهاں نماز پوری پڑھ لینے کا احتمال هو۔ ایسی جگه نماز پڑھنا صحیح نهیں هے جس کے متعلق اسے یقین هو که مثلاً هوا اور بارش یا بھیڑ بھاڑ کی وجه سے وهاں پوری نماز نه پڑھ سکے گا گو اتفاق سے پوری پڑھ لے۔

892۔ اگر کوئی شخص ایسی جگه نماز پڑھے جهاں ٹھهرنا حرام هو مثلاً کسی ایسی مخدوش چھت کے نیچے جو عنقریب گرنے والی هو تو گو وه گناه کا مرتکب هوگا لیکن اس کی نماز صحیح هے۔

893۔ کسی ایسی چیز پر نماز پڑھنا صحیح نهیں هے جس پر کھڑا هونا یا بیٹھنا حرام هو مثلا قالین کے ایسے حصے جهاں الله تعالی کا نام لکھا هو۔ چونکه (یه اسم خدا) قصد قربت کرنے میں مانع هے اس لئے (نماز پڑھنا) صحیح نهیں هے۔

(چوتھی شرط) جس جگه انسان نماز پڑھے اس کی چھت اتنی نیچی نه هو که سیدھا کھڑا نه هوسکے اور نه هی وه جگه اتنی مختصر هو که رکوع اور سجدے کی گنجائش نه هو۔

894۔ اگر کوئی شخص ایسی جگه نماز پڑھنے پر مجبور هو جهاں بالکل سیدھا کھڑا هونا ممکن نه هو تو اس کے لئے ضروری هے که بیٹ کر نماز پڑھے اور اگر رکوع اور سجود ادا کرنے کا امکان نه هو تو ان کے لئے سر سے اشاره کرے۔

895۔ ضروری هے که پیغمبر اکرم (صلی الله علیه وآله) اور ائمۃ اهل بیت علیهم السلام کی قبر کے آگے اگر ان کی بے حرمتی هوتی هو تو نماز نه پڑھے۔ اس کے علاوه کسی اور صورت میں اشکال نهیں۔

ص:181

(پانچویں شرط) اگر نماز پڑھنے کی جگه نجس هو تو اتنی مرطوب نه هو که اس کی رطوبت نماز پڑھنے والے کے بدن یا لباس تک پهنچے لیکن اگر سجده میں پیشانی رکھنے کی جگه نجس هو تو خواه وه خشک بھی هو نماز باطل هے اور احتیاط مستحب یه هے که نماز پڑھنے کی جگه هرگز نجس نه هو۔

(چھٹی شرط) احتیاط لازم کی بنا پر ضروری هے که عورت مرد سے پیچھے کھڑی هو اور کم از کم اس کے سجده کرنے کی جگه سجدے کی حالت میں مرد کے دو زانوں کے برابر فاصلے پر هو۔

896۔ اگر کوئی عورت مرد کے برابر یا آگے کھڑی هو اور دونوں بیک وقت نماز پڑھنے لگیں تو ضروری هے که نماز کو دوباره پڑھیں۔ اور یهی حکم هے اگر ایک، دوسرے سے پهلے نماز کے لئے کھڑا هو۔

897۔ اگر مرد اور عورت ایک دوسرے کے برابر کھڑے هوں یا عورت آگے کھڑی هو اور دونوں نماز پڑھ رهے هوں لیکن دونوں کے درمیان دیوار یا پرده یا کوئی اور ایسی چیز حائل هو که ایک دوسرے کونه دیکھ سکیں یا ان کے درمیان دس هاتھ سے زیاده فاصله هو تو دونوں کی نماز صحیح هے۔

(ساتویں شرط) نماز پڑھنے والے کی پیشانی رکھنے کی جگه، دو زانو اور پاوں کی انگلیاں رکھنے جگه سے چار ملی هوئی هوئی انگلیوں کی مقدار سے زیاده اونچی یا نیچی نه هو۔ اس مسئلے کی تفصیل سجدے کے احکام میں آئے گی۔

898۔نا محرم مرد اور عورت کا ایک ایسی جگه هونا جهاں گناه میں مبتلا هونے کا احتمال هو حرام هے اور احتیاط مستحب یه هے که ایسی جگه نماز بھی نه پرھیں۔

899۔ جس جگه ستار بجایا جاتا هو اور اس جیسی چیزیں استعمال کی جاتی هوں وهاں نماز پڑھنا باطل نهیں هے گو ان کا سننا اور استعمال کرنا گناه هے۔

900۔ احتیاط واجب یه هے که اختیار کی حالت میں خانه کعبه کے اندر اور اس کی چھت کے اوپر واجب نماز نه پڑھی جائے۔ لیکن مجبوری کی حالت میں کوئی اشکال نهیں هے۔

901۔ خانه کعبه کے اندر اور اس کی چھت کے اوپر نفلی نمازیں پڑھنے میں کوئی حرج نهیں هے بلکه مستحب هے که خانه کعبه کے اندر هر رکن کے مقابل دو رکعت نماز پڑھی جائے۔

ص:182