نماز کا ترجمه

1۔ سوره الحمد کا ترجمه

بِسمِ اللهِ الَّرحِیمِ :"بِسمِ اللهِ " یعنی میں ابتدا کرتا هوں خدا کے نام سے اس ذات کے نام سے جس میں تمام کملات یکجا هیں اور جو هر قسم کے نقص سے مُنَزَّه هے۔ "اَلرَّحمٰنِ " اس کی رحمت وسیع اور بے انتها هے۔ "الرَّحِیمِ " اس کی رحمت ذاتی اور اَزَلیِ و اَبَدیِ هے۔ "اَلحَمدُ لِلّٰهِ رَبِّ العَالَمِینَ"۔ یعنی ثنا اس خداوند کی ذات سے مخصوص هے جو تمام موجودات کا پالنے والا هے۔ "اَلرَّحمٰنِ الرَّحِیمِ۔" اس کے معنی بتائے جاچکے هیں۔ "مَالِکِ یَومِ الدِّینِ" یعنی وه توانا ذات که جزا کے دن کی حکمرانی اس کے هاتھ میں هے۔ "اِیَّاکَ نَعبُدُ وَاِیَّاکَ نَستَعِینُ" یعنی همیں فقط تیری هی عبادت کرتے هیں اور فقط تجھی سے مدد طلب کرتے هیں "اِھدِنَاالصِّرَاطَ المُستَقِیمَ" یعنی همیں راه راست کی جانب هدایت فرما جو که دین اسلام هے "صِراطَ الَّذِینَ اَنعَمتَ عَلَیھِم" یعنی ان لوگوں کے راستے کی جانب جنهیں تو نے اپنی نعمتیں عطا کی هیں جو انبیاء اور انبیاء کے جانشین هیں۔ "غَیرِالمَغضُوبِ عَلَیھِم وَلاَ الضَّآلِّینَ" یعنی نه ان لوگوں کے راستے کی جانب جن پر تیرا غضب هوا اور نه ان کے راستے کی جانب جو گمراه هیں۔

2۔ سوره اخلاص کا ترجمه

بِسمِ اللهِ الرَّحمٰنِ الرَّحِیمِ۔ اس کے معنی بتائے جاچکے هیں۔

ص:222

"قُل ھُوَاللهُ اَحَدٌ"یعنی اے محمد صلی الله علیه وآله وسلم آپ کهه دیں که خداوندی وهی هے جو یکتا خدا هے۔ "اللهُ الصَّمدُ" یعنی وه خدا جو تمام موجودات سے بے نیاز هے۔ "لَم یَلِدوَلَم یُولَد" یعنی نه اس کی کوئی اولاد هے اور نه وه کسی کی اولاد هے۔ "وَلَم یَکُن لَّه کُفُوًا اَحَدٌ" اور مخلوقات میں سے کوئی بھی اس کے مثل نهیں هے۔

3۔ رکوع، سجود اور ان کے بعد کے مستحب اذ کار کا ترجمه

"سُبحَانَ رَبِّیَ العَظِیمِ وَبِحَمده " یعنی میرا پروردگار بزرگ هر عیب اور هر نقص سے پاک اور مُنَزَّه هے، میں اس کی ستائش میں مشغول هوں۔ "سُبحَانَ رَبِّیَ الاَعلٰی وَبِحَمدِه" یعنی میرا پروردگار جو سب سے بالاتر هے اور هر عیب اور نقص سے پاک اور مُنَزَّ هے، میں اس کی ستائش میں مشغول هوں۔ "سَمِعَ اللهُ لِمَن حَمِدَه" یعنی جو کوئی خدا کی ستائش کرتا هے خدا اسے سنتا هے اور قبول کرتا هے۔

"اَستغفِرُاللهِ رَبِّی وَاَتُوبُ اِلَیهِ" یعنی میں مغفرت طلب کرتا هوں اس خداوند سے جو میرا پالنے والا هے۔ اور میں اس کی طرف رجوع کرتا هوں۔ "بِحَولِ اللهِ وَقُوَّتِهٓ اَقُومُ وَاَقعُدُ" یعنی میں خداتعالی کی مدد سے اٹھتا اور بیٹھتا هوں۔

4۔ قنوت کا ترجمه

لآَ اِلٰهَ اِلاَّ اللهُ الحَلِیمُ الکَرِیمُ" یعنی کوئی خدا پرستش کے لائق نهیں سوائے اس یکتا اور بے مثل خدا کے جو صاحب حلم و کرم هے۔ "لآَ اِلٰهُ الاَّ اللهُ العَلِیُّ العَظِیمُ" یعنی کوئی خدا پرستش کے لائق نهیں سوائے اس یکتا اور بے مثل خدا کے جو بلند مرتبه اور بزرگ هے۔ "سُبحَانَ اللهِ رَبِّ السَّمٰوَاتِ السَّبعِ وَرَبِّ الاَرَضِینَ السَّبعِ" یعنی پاک اور مُنَزَّه هے وه خدا جو سات آسمانوں اور سات زمینوں کا پروردگار هے۔ "وَمَافِیھِنَّ وَمَافِیھِنَّ وَمَا بَینَھُنَّ وَرَبِّ العَرشِ العَظِیمِ" یعنی وه هر اس چیز کا پروردگار هے جو آسمانوں اور زمینوں میں اور ان کے درمیان هے اور عرش اعظم کا پروردگار هے۔

"وَالحَمدُلِلّٰهِ رَبِّ العَالَمِینَ" اور حمد و ثنا اس خدا کے لئے مخصوص هے جو تمام موجودات کا پالنے والا هے۔

5۔ تسبیحات اربعه کا ترجمه

"سُبحَانَ اللهِ وَالحَمدُلِلّٰهِ وَلآَ اِلٰهَ اِلاَّ اللهُ اَکبَرُ" یعنی خدا تعالی پاک اور مُنَزَّه اور ثنا اسی کے لئے مخصوص هے اور اس بے مثل خدا کے علاوه کوئی خدا پرستش کے لائق نهیں اور وه اس سے بالاتر هے که اس کی (کَمَاحَقُّه) توصیف کی جائے۔

ص:223

6۔ تشهُّد اور سلام کا ترجمه

"اَلحَمدُلِلّٰهِ، اَشھَدُ اَن لاَّ اِلٰهَ الاَّ اللهُ وَحدَهُ لاَ شَرِیکَ لَه" یعنی ستائش پروردگار کے لئے مخصوص هے اور میں گواهی دیتا هوں که سوائے اس خدا کے جو یکتا هے اور جس کا کوئی شریک نهیں کوئی اور خدا پرستش کے لائق نهیں هے ۔ "وَاَشھَدُ اَنَّ مُحَمَّدًا وَرَسُولُه" اور میں گواهی دیتا هوں که مُحمّد صلی الله علیه وآله وسلم خدا کے بندے اور اس کے رسول هیں "اللّٰھُمَّ صَلِّ علیٰ مُحَمَّدٍ وَّاٰلِ مُحَمَّدٍ" یعنی اے خدا رحمت بھیج محمد اور آل محمد پر۔ "وَتَقبَّل شَفَاعَتَه وَارفَع دَرَجَتَه"۔ یعنی رسول الله کی شفاعت قبول کر اور آنحضرت (صلی الله علیه وآله) کا درجه اپنے نزدیک بلند کر۔ "اَلسَّلاَمُ عَلَیکَ اَیُّھَاالنّبِیُّ وَرَحمَۃُ اللهِ وَبَرَکَاتُه" یعنی اے الله کے رسول آپ پر همارا سلام هو اور آپ پر الله کی رحمتیں اور برکتیں هوں۔ "اَلسَّلامُ عَلَیناَ وَعَلٰی عِبَادِ اللهِ الصّٰلِحِینَ" یعنی هم نماز پڑھنے والوں پر اور تمام صالح بندوں پر الله کی طرف سے سلامتی هو۔ "اَلسَّلاَمُ عَلَیکُم وَرَحمَۃُ اللهِ وَبَرکَاتُه" یعنی تم مومنین پر خدا کی طرف سے سلامتی اور رحمت و برکت هو۔