نماز میت کے احکام

600۔ هر مسلمان کی میت پر اور ایسے بچے کی میت پر جو اسلام کے حکم میں هو اور پورے چھ سال کا هو چکا هو نماز پڑھنا واجب هے۔

601۔ ایک ایسے بچے کی میت پر جو چھ سال کا نه هوا هو لیکن نماز کو جانتا هو احتیاط لازم کی بنا پر لازم کی بنا پر نماز پڑھنا چاهئے اور اگر نماز کو نه جانتا هو تو رجاء کی نیت سے نماز پڑھنے میں کوئی حرج نهیں اور وه بچه جر مرده پیدا هوا هو اس کی میت پر نماز پڑھنا مستحب نهیں هے۔

602۔ میت کی نماز اسے غسل دینے، حنوط کرنے اور کفن پهنانے کے بعد پڑھنی چاهئے اور اگر ان امور سے پهلے یا ان کے دوران پڑھی جائے تو ایسا کرنا خواه بھول چوک یا مسئلے سے لاعلمی کی بنا پر هی کیوں نه هو کافی نهیں هے۔

ص:123

603۔ جو شخص میت کی نماز پرھنا چاهے اس کے لئے ضروری نهیں که اس نے وضو، غسل یا تیمم کر رکھا هو اور اس کا بدن اور لباس پاک هوں اور اگر اس کا لباس غصبی هو تب بھی کوئی حرج نهیں۔ اگرچه بهتر یه هے که ان تمام چیزوں کا لحاظ رکھے جو دوسری نمازوں میں لازمی هیں۔

604۔ جو شخص نماز میت پڑھ رها هو اسے چاهئے که رو بقبله هو اور یه بھی واجب هے که میت کو نماز پڑھنے والے کے سامنے پشت کے بل یوں لٹا جائے که میت کا سر نماز پڑھنے والے کے دائیں طرف هو اور پاوں بائیں طرف هوں۔

605۔ احتیاط مستحب کی بنا پر ضروری هے که جس جگه ایک شخص میت کی نماز پڑھے وی غصبی نه هو اور یه بھی ضروری هے که نماز پڑھنے کی جگه میت کے مقام سے اونچی یا نیچی نه هو لیکن معمولی پستی یا بلندی میں کوئی حرج نهیں۔

606۔ نماز پڑھنے والے کو چاهئے که میت سے دور نه هو لیکن جو شخص نماز میت با جماعت پڑھ رها هو اگر وه میت سے دور هو جب که صفیں باهم متصل هوں تو کوئی حرج نهیں۔

607۔ نماز پڑھنے والے کو چاهئے که میت کے سامنے کھڑا هو لیکن اگر نماز، باجماعت پڑھی جائے اور جماعت کی صفت میت کے دونوں طرف سے گزر جائے تو ان لوگوں کی نماز میں جو میت کے سامنے نه هوں کوئی اشکال نهیں هے۔

608۔ احتیاط کی بنا پر میت اور نماز پرھنے والے کے درمیان پرده یا دیوار یا کوئی اور ایسی چیز حائل نهیں هونی چاهئے لیکن اگر میت تابوت میں یا ایسی هی کسی اور چیز میں رکھی هو تو کوئی حرج نهیں۔

609۔ نماز پڑھتے وقت ضروری هے که میت کی شرمگاه ڈھکی هوئی هو اور اگر اسے کفن پهنانا ممکن نه هو تو ضروری هے که اس شرمگاه کو خواه لکڑی یا اینٹ یا ایسی هی کسی اور چیز سے هی ڈھانک دیں۔

610۔ نماز میت کھڑے هو کر اور قربت کی نیت سے پڑھنی چاهئے اور نیت کرنے وقت میت کو معین کر لینا چاهئے مثلاً نیت کرنی چاهئے که میں اس میت پر قُربهً اِلَی الله نماز پڑھ رها هوں۔

611۔ اگر کوئی شخص کھڑے هو کر نماز میت نه پڑھ سکتا هو تو بیٹھ کر پڑھ لے۔

ص:124

612۔ اگر مرنے والے نے وصیت کی هو که کوئی مخصوص شخص اس کی نماز پڑھائے تو احتیاط مستحب یه هے که وه شخص میت کے ولی سے اجازت حاصل کرے۔

613۔ میت پر کئی دفعه نماز پرھنا مکروه هے۔ لیکن اگر میت کسی صاحب علم و تقوی کی هو تو مکروه نهیں هے۔

614۔ اگر میت کو جان بوجھ کر یا بھول چوک کی وجه سے یا کسی عذر کی بنا پر بغیر نماز پڑھے دفن کر دیا جائے یا دفن کر دینے کے بعد پته چلے که جو نماز اس پر پرھی جاچکی هے وه باطل هے تو میت پر نماز پڑھنے کے لئے اس کی قبر کو کھولنا جائز نهیں لیکن جب تک اس کا بدن پاش پاش نه هو جائے اور جن شرائط کا نماز میت کے سلسلے میں ذکر آچکا هے ان کے ساتھ رَجَاء کی نیت سے اس کی قبر پر نماز پڑھنے میں کوئی حرج نهیں هے۔