نمازی کے لباس کی شرطیں

ص:166

806۔ نماز پڑھنے والے کے لباس کی چھ شرطیں هیں :

(اول) پاک هو۔

(دوم) مُباح هو۔

(سوم) مُردار کے اجزا سے نه بنا هو۔

(چهارم) حرام گوشت حیوان کے اجزا سے نه بنا هو۔

(پنجم اور ششم) اگر نماز پڑھنے والا مرد هو تو اس کا لباس خالص ریشم اور زر دوزی کا بنا هو نه هو۔ ان شرطوں کی تفصیل آئنده مسائل میں بتائی جائے گی۔

پهلی شرط

807۔ نماز پڑھنے والے کا لباس پاک هونا ضروری هے۔ اگر کوئی شخص حالت اختیار میں نجس بدن یا نجس لباس کے ساتھ نماز پڑھے تو اس کی نماز باطل هے۔

808۔ اگر کوئی شخص اپنی کوتاهی کی وجه سے یه نه جانتا هو که نجس بدن اور لباس کے ساتھ نماز باطل هے اور نجس بدن یا لباس کے ساتھ نماز پڑھے تو احتیاط لازم کی بنا پر اس کی نماز باطل هے۔

809۔ اگر کوئی شخص مسئله نه جاننے کی وجه سے کوتاهی کی بنا پر کسی نجس چیز کے بارے میں یه جانتا هو که نجس هے مثلاً یه نه جانتا هو که کافر کا پسینه نجس هے اور اس (پسینے) کے ساتھ نماز پڑھے تو اس کی نماز احتیاط لازم کی بنا پر باطل هے۔

810۔اگر کسی شخص کو یه یقین هو که اس کا بدن یا لباس نجس نهیں هے اور اسکے نجس هونے کے بارے میں اسے نماز کے بعد پته چلے تو اس کی نماز صحیح هے۔

811۔ اگر کوئی شخص یه بھول جائے که اس کا بدن یا لباس نجس هے اور اسے نماز کے دوران یا اس کے بعد یاد آئے چنانچه اگر اس نے لاپروائی اور اهمیت نه دینے کی وجه سے بھلا دیا هو تو احتیاط لازم کی بنا پر ضروری هے که وه نماز کو دوباره پڑھے

ص:167

اور اگر وقت گزر گیا هو تو اس کی قضا کرے۔ اور اس صورت کے علاوه ضروری نهیں هے که وه نماز کو دوباره پڑھے۔ لیکن اگر نماز کے دوران اسے یاد آئے تو ضروری هے که اس حکم پر عمل کرے جو بعد والے مسئلے میں بیان کیا جائے گا۔

812۔ جو شخص وسیع وقت میں نماز میں مشغول هو اگر نماز کے دوران اسے پته چلے که اس کا بدن یا لباس نجس هے اور اسے یه احتمال هو که نماز شروع کرنے کے بعد نجس هوا هے تو اس صورت میں اگر بدن یا لباس پاک کرنے یا لباس تبدیل کرنے یا لباس اتار دینے سے نماز نه ٹوٹے تو نماز کے دوران بدن یا لباس پاک کرے یا لباس تبدیل کرے یا اگر کسی اور چیز نے اس کی شرم گاه کو ڈھانپ رکھا هو تو لباس اتار دے لیکن جب صورت یه هو که اگر بدن یا لباس پاک کرے یا اگر لباس بدلے یا اتارے تو نماز ٹوٹتی هو یا اگر لباس اتارے تو ننگا هو جاتا هو تو احتیاط لازم کی بنا پر ضروری هے که دوباره پاک لباس کے ساتھ نماز پڑھے۔

813۔جو شخص تنگ وقت میں نماز میں مشغول هو اگر نماز کے دوران اسے پته چلے که اس کا لباس نجس هے اور اسے یه احتمال هو که نماز شروع کرنے کے بعد نجس هوا هے تو اگر صورت یه هو که لباس پاک کرنے یا بدلنے یا اتارنے سے نماز نه ٹوٹتی هو اور وه لباس اتار سکتا هو تو ضروری هے که لباس کو پاک کرے یا بدلے یا اگر کسی اور چیز نے اس کی شرم گاه کو ڈھانپ رکھا هو تو لباس اتار دے اور نماز ختم کرے لیکن اگر کسی اور چیز نے اس کی شرمگاه کو نه ڈھانپ رکھا هو اور وه لباس پاک نه کر سکتا هو اور اسے بدل بھی نه سکتا هو تو ضروری هے که اسی نجس لباس کے ساتھ نماز کو ختم کرے۔

814۔کوئی شخص جو تنگ وقت میں نماز میں مشغول هو اور نماز کے دوران پته چلے که اس کا بدن نجس هے اور اسے یه احتمال هو که نماز شروع کرنے کے بعد نجس هوا هے تو اگر صورت یه هو که بدن پاک کرنے سے نماز نه ٹوٹتی هو تو بدن کو پاک کرے اور اگر نماز ٹوٹتی هو تو ضروری هے که اسی حالت میں نماز ختم کرے اور اس کی نماز صحیح هے۔

815۔ ایسا شخص جو اپنے بدن یا لباس کے پاک هونے کے بارے میں شک کرے اور جستجو کے بعد کوئی چیز نه پا کر اور نماز پڑھے اور نماز کے بعد اسے پته چلے که اس کا بدن یا لباس نجس تھا تو اس کی نماز صحیح هے اور اگر اس نے جستجو نه کی هو تو احتیاط لازم کی بنا پر ضروری هے که نماز کو دوباره پڑھے اور اگر وقت گزر گیا هو تو اس کی قضا کرے۔

816۔ اگر کوئی شخص اپنا لباس دھوئے اور اسے یقین هو جائے که لباس پاک هو گیا هے ، اس کے ساتھ نماز پڑھے اور نماز کے بعد اسے پته چلے که پاک نهیں هوا تھا تو اس کی نماز صحیح هے۔

ص:168

817۔ اگر کوئی شخص اپنے بدن یا لباس میں خون دیکھے اور اسے یقین هو که یه نجس خون میں سے نهیں هے مثلاً اسے یقین هو که مچھر کا خون هے لیکن نماز پڑھنے کے بعد اسے پته چلے که یه اس خون میں سے هے جس کے ساتھ نماز نهیں پڑھی جاسکتی تو اس کی نماز صحیح هے۔

818۔ اگر کسی شخص کو یقین هو که اس کے بدن یا لباس میں جو خون هے وه ایسا نجس خون هے جس کے ساتھ نماز صحیح هے مثلاً اسے یقین هو که زخم اور پھوڑے کا خون هے لیکن نماز کے بعد اسے پته چلے که یه ایسا خون هے جس کے ساتھ نماز باطل هے تو اس کی نماز صحیح هے۔

819۔ اگر کوئی شخص یه بھول جائے که ایک چیز نجس هے اور گیلا بدن یا گیلا لباس اس چیز سے چھو جائے اور اسی بھول کے عالم میں وه نماز پڑھ لے اور نماز کے بعد اسے یاد آئے تو اس کی نماز صحیح هے لیکن اگر اس کا گیلا بدن اس چیز کو چھو جائے جس کا نجس هونا وه بھول گیا هے اور اپنے آپ کو پاک کئے بغیر وه غسل کرے اور نماز پڑھے تو اس کا غسل اور نماز باطل هیں ما سوا اس صورت کے که غسل کرنے سے بدن بھی پاک هو جائے۔ اور اگر وضو کے گیلے اعضا کا کوئی حصه اس چیز سے چھو جائے جس کے نجس هونے کے بارے میں وه بھول گیا هے اور اس سے پهلے که وه اس حصے کو پاک کرے وه وضو کرے اور نماز پڑھے تو اس کا وضو اور نماز دونوں باطل هیں ماسوا اس صورت کے که وضو کرنے اسے وضو کے اعضا بھی پاک هو جائیں۔

820۔ جس شخص کے پاس صرف ایک لباس هو اگر اس کا بدن اور لباس نجس هو جائیں اور اس کے پاس ان میں سے ایک کو پاک کرنے کے لئے پانی هو تو احتیاط لازم یه هے که بدن کو پاک کرے اور نجس لباس کے ساتھ نماز پڑھے۔ اور لباس کو پاک کرکے نجس بدن کے ساتھ نماز پڑھنا جائز نهیں هے۔ لیکن اگر لباس کی نجاست بدن کی نجاست سے بهت زیاده هو یا لباس کی نجاست بدن کی نجاست کے لحاظ سے زیاده شدید هو تو اسے اختیار هے که لباس اور بدن میں سے جسے چاهے پاک کرے۔

821۔جس شخص کے پاس نجس لباس کے علاوه کوئی لباس نه هو ضروری هے که نجس لباس کے ساتھ نماز پرھے اور اس کی نماز صحیح هے۔

ص:169

822۔ جس شخص کے پاس دو لباس هوں اگر وه یه جانتا هو که ان میں سے ایک نجس هے لیکن یه نه جانتا هو که کون سانجس هے اور اس کے پاس وقت هو تو ضروری هے که دونوں لباس کے ساتھ نماز پڑھے (یعنی ایک دفعه ایک لباس پهن کر اور ایک دفعه دوسرا لباس پهن کر دو دفعه وهی نماز پڑھے) مثلاً اگر وه ظهر اور عصر کی نماز پڑھنا چاهے تو ضروری هے که هر ایک لباس سے ایک نماز ظهر کی اور ایک نماز عصر کی پڑھے لیکن اگر وقت تنگ هو تو جس لباس کے ساتھ نماز پڑھ لے کافی هے۔

دوسری شرط

823۔ نماز پڑھنے والے کا لباس مباح هونا ضروری هے۔ پس اگر ایک ایسا شخص جو جانتا هو که غصبی لباس پهننا حرام هے یا کوتاهی کی وجه سے مسئله کا حکم نه جانتا هو اور جان بوجھ کر اس لباس کے ساتھ نماز پڑھے تو احتیاط کی بنا پر اس کی نماز باطل هے۔ لیکن اگر لباس میں وه چیزیں شامل هوں جو تنها شرمگاه کو نهیں ڈھانپ سکتیں اور اسی طرح وه چیزیں جن سے اگرچه شرمگاه کو ڈھانپا جاسکتا هو لیکن نماز پڑھنے والے نے انهیں حالت نماز میں نه پهن رکھا هو مثلاً بڑا رومال یا لنگوٹی جو حبیب میں رکھی هو اور اسی طرح وه چیزیں جنهیں نمازی نے پهن رکھا هو اگرچه اس کے پاس ایک مباح سترپوش بھی هو۔ ایسی تمام صورتوں میں ان (اضافی)چیزوں کے غصبی هونے سے نماز میں کوئی فرق نهیں پڑتا اگرچه احتیاط ان کے ترک کر دینے میں هے۔

824۔جو شخص یه جانتا هو که غصبی لباس پهننا حرام هے لیکن اس لباس کے ساتھ نماز پڑھنے کا حکم نه جانتا هو اگر وه جان بوجھ کر غصبی لباس کے ساتھ نماز پڑھے تو جیسا که سابقه مسئلے میں تفصیل سے بتایا گیا هے احتیاط کی بنا پر اس کی نماز باطل هے۔

825۔ اگر کوئی شخص نه جانتا هو یا بھول جائے که اس کا لباس غصبی هے اور اس لباس کے ساتھ نماز پرھے تو اس کی نماز صحیح هے۔ لیکن اگر وه شخص خود اس لباس کو غصب کرے اور پھر بھول جائے که اس غصب کیا هے اور اسی لباس میں نماز پڑھے تو احتیاط کی بنا پر اس کی نماز باطل هے۔

726۔ اگر کسی شخص کو علم نه هو یا بھول جائے که اس کا لباس غصبی هے لیکن نماز کے دوران اسے پته چل جائے اور اس کی شرمگاه کسی دوسری چیز سے ڈھکی هوئی هو اور وه فوراً یا نماز کا تسلسل توڑے بغیر غصبی لباس اتار سکتا هو تو ضروری هے که

ص:170

فوراً اس لباس کو اتار دے اور اگر اس کی شرمگاه کسی دوسری چیز سے ڈھکی هوئی نه هو یا وه غصبی لباس کو فوراً نه اتار سکتا هو یا اگر لباس کا اتارنا نماز کے تسلسل کو توڑ دیتا اور صورت یه هو که اس کے پاس ایک رکعت پڑھنے جتنا وقت بھی هو تو ضروری هے که نماز کو توڑ دے اور اس لباس کے ساتھ نماز پڑھے جو غصبی نه هو اور اگر اتنا وقت نه هو تو ضروری هے که نماز کی حالت میں لباس اتار دے اور "برهنه لوگوں کی نماز کے مطابق" نماز ختم کرے۔

827۔ اگر کوئی شخص اپنی جان کی حفاظت کے لئے غصبی لباس کے ساتھ نماز پڑھنے یا مثال کے طور پر غصبی لباس کے ساتھ اس لئے نماز پڑھے تاکه چوری نه هوجائے تو اس کی نماز صحیح هے۔

828۔ اگر کوئی شخص اس رقم لباس خریدے جس کا خمس اس نے ادا نه کیا هو تو اس لباس کے ساتھ نماز پڑھنے کے لئے وهی حکم هے جو غصبی لباس کے ساتھ نماز پڑھنے کا هے۔

تیسری شرط

829۔ ضروری هے که نماز پڑھنے والے کا لباس اور هر وه چیز جو شرم گاه چھپانے کے لئے ناکافی هے احتیاط لازم کی بنا پر جهنده خون والے مرده حیوان کے اجزاء سے نه بنی هو بلکه اگر لباس اس مرده حیوان مثلاً مچھلی اور سانپ سے تیار کیا جائے جس کا خون جهنده نهیں هوتا تو احتیاط مستحب یه هے که اس کے ساتھ نماز نه پڑھی جائے۔

830۔ اگر نجس مردار کی ایسی چیز مثلاً گوشت اور کھال جس میں روح هوتی هے نماز پڑھنے والے کے همراه هو تو کچھ بعید نهیں هے که اس کی نماز صحیح هو۔

831۔ اگر حلال گوشت مردار کی کوئی ایسی چیز جس میں روح نهیں هوتی مثلاً بال اور ان نماز پڑھنے والے کے همراه هو یا اس لباس کے ساتھ نماز پڑھے جو ان چیزوں سے تیار کیا گیا هو تو اس کی نماز صحیح هے۔

چوتھی شرط

832۔ ضروری هے که نماز پڑھنے والے کا لباس ۔۔۔ ان چیزوں کے علاوه جو صرف شرم گاه چھپانے کے لئے ناکافی هے مثلاً جراب ۔۔۔ جانوروں کے اجزا سے تیار کیا هوا نه هو بلکه احتیاط لازم کی بنا پر هر اس جانور کے اجزا سے بنا هوا نه هو جس کا گوشت کھانا حرام هے اسی طرح ضروری هے که نماز پڑھنے والے کا لباس اور بدن حرام گوشت جانور کے پیشاب،

ص:171

پاخانے، پسینے، دودھ اور بال سے آلوده نه هو لیکن اگر حرام گوشت جانور کا ایک بال اس کے لباس پر لگا هو تو کوئی حرج نهیں هے۔ اسی طرح نماز گزار کے همراه ان میں سے کوئی چیز اگر ڈبیه (یا بوتل وغیره) میں بند رکھی هو تب بھی کوئی حرج نهیں هے۔

833۔ حرام گوشت جانور مثلاً بلی کے منه یا ناک کا پانی یا کوئی دوسری رطوبت نماز پڑھنے والے کے بدن یا لباس پر لگی هو اور اگر وه تر هو تو نماز باطل هے لیکن اگر خشک هو اور اس کا عین جزو زائل هو گیا هو تو نماز صحیح هے۔

834۔ اگر کسی کا بال یا پسینه یا منه کا لعاب نماز پڑھنے والے کے بدن یا لباس پرلگا هو تو کوئی حرج نهیں۔ اسی طرح مردارید، موم اور شهد اس کے همراه هو تب بھی نماز پڑھنا جائز هے۔

835۔ اگر کسی کو شک هو که لباس حلال گوشت جانور سے تیار کیا گیا هے یا حرام گوشت جانور سے تو خواه وه مقامی طور پر تیار کیا گیا هو یا زر آمد کیا گیا هو اس کے ساتھ نماز پڑھنا جائز هے۔

836۔ یه معلوم نهیں هے که سیپی حرام گوشت حیوان کے اجزا میں سے هے لهذا سیپ (کے بٹن وغیره) کے ساتھ نماز پڑھنا جائز هے۔

837۔ سمور کا لباس ( ) اور اسی طرح گلهری کی پوستین پهن کر نماز پڑھنے میں کوئی حرج نهیں لیکن احتیاط مستحب یه هے که گلهری کی پوستین کے ساتھ نماز نه پڑھی جائے۔

838۔ اگر کوئی شخص ایسے لباس کے ساتھ نماز پڑھے جس کے متعلق وه نه جانتا هو یا بھول گیا هو که حرام گوشت جانور سے تیار هوا هے تو احتیاط مستحب کی بنا پر اس نماز کو دوباره پڑھے۔

پانچویں شرط

839۔ زر دوزی کا لباس پهننا مردوں کے لئے حرام هے اور اس کے ساتھ نماز پڑھنا باطل هے لیکن عورتوں کے لئے نماز میں یا نماز کے علاوه اس کے پهننے میں کوئی حرج نهیں هے۔

ص:172

840۔ سونا پهننا مثلاً سونے کی زنجیر گلے میں پهننا، سونے کی انگوٹھی هاتھ میں پهننا، سونے کی گھڑی کلائی پر باندھنا اور سونے کی عینک لگانا مردوں کے لئے حرام هے اور ان چیزوں کے ساتھ نماز پڑھنا باطل هے۔لیکن عورتوں کے لئے نماز میں اور نماز کے علاوه ان چیزوں کے استعمال میں کوئی حرج نهیں۔

841۔ اگر کوئی شخص نه جانتا هو یا بھول گیا هو تو اس کی انگوٹھی یا لباس سونے کا هے یاشک رکھتا هو اور اس کے ساتھ ناز پڑھے تو اس کی نماز صحیح هے۔

چھٹی شرط

842۔نماز پڑھنے والے مرد کا لباس حتی که احتیاط مستحب کی بنا پر ٹوپی اور ازار بند بھی خالص ریشم کا نهیں هونا چاهئے اور نماز کے علاوه بھی خالص ریشم پهننا مردوں کے لئے حرام هے۔

843۔ اگر لباس کا تمام استریا اس کا کچھ خالص ریشم کا هو تو مرد کے لئے اس کا پهننا حرام اور اس کے ساتھ نماز پڑھنا باطل هے۔

844۔ جب کسی لباس کے بارے میں یه علم نه هو که خالص ریشم کا هے یا کسی اور چیز کا بنا هوا هے تو اس کا پهننا جائز هے اور اس کے ساتھ نماز پڑھنے میں بھی کوئی حرج نهیں هے۔

845۔ ریشمی رومال یا اسی جیسی کوئی چیز مرد کی جیب میں هو تو کوئی حرج نهیں هے اور وه نماز کو باطل نهیں کرتی۔

846۔ عورت کے لئے نماز میں یا اس کے علاوه ریشمی لباس پهننے میں کوئی حرج نهیں هے۔

847۔ مجبوری کی حالت میں غصبی اور خالص ریشمی اور زردوزی کا لباس پهننے میں کوئی حرج نهیں۔ علاوه ازیں جو شخص یه لباس پهننے پر مجبور هو اور اس کے پاس کوئی اور لباس نه هو تو وه ان لباسوں کے ساتھ نماز پڑھ سکتا هے۔

848۔ اگر کسی شخص کے پاس غصبی لباس کے علاوه کوئی لباس نه هو اور وه یه لباس پهننے پر مجبور نه هو تو اسے چاهئے که ان احکام کے مطابق نماز پڑھے جو برهنه لوگوں کے لئے بتائے گئے هیں۔

ص:173

849۔ اگر کسی کے پاس درندے کے اجزا سے بنے هوئے لباس کے علاوه اور کوئی لباس نه هو اور وه یه لباس پهننے پر مجبور هو تو اس لباس کے ساتھ نماز پڑھ سکتا هے اور اگر لباس پهننے پر مجبور نه هو تو اسے چاهئے که ان احکام کے مطابق نماز پڑھنے جو برهنه لوگوں کے لئے بتائے گئے هیں۔ اور اگر اس کے پاس غیر شکاری حرام جانوروں کے اجزا سے تیار شده لباس کے سوا دوسرا لباس نه هو اور وه اس لباس کو پهننے پر مجبور نه هو تو احتیاط لازم یه هے که دو دفعه نماز پڑھے۔ ایک بار اسی لباس کے ساتھ اور ایک بار اس طریقے کے مطابق جس کا ذکر برهنه لوگوں کی نماز میں بیان هو چکا هے۔

850۔ اگر کسی مرد کے پاس خالص ریشمی یا زربفتی لباس کے سوا کوئی لباس نه هو اور وه لباس پهننے پر مجبور نه هو تو ضروری هے که ان احکام کے مطابق نماز پڑھے جو برهنه لوگوں کے لئے بتائے گئے هیں۔

851۔ اگر کسی کے پاس ایسی کوئی چیز نه هو جس سے وه اپنی شرم گاهوں کو نماز میں ڈھانپ سکے تو واجب هے که ایسی چیز کرائے پر لے یا خریدے لیکن اگر اس پر اس کی حیثیت سے زیاده خرچ اٹھتا هو یا صورت یه هو که اس کام کے لئے خرچ برداشت کرے تو اس کی حالت تباه هو جائے تو ان احکام کے مطابق نماز پڑھے جو برهنه لوگوں کے لئے بتائے گئے هیں۔

852۔ جس شخص کے پاس لباس نه هو اگر کوئی دوسرا شخص اسے لباس بخش دے یا ادھار دے دے تو اگر اس لباس کا قبول کرنا اس پر گراں نه گزرتا هو تو ضروری هے که اسے قبول کرلے بلکه اگر ادھار لینا یا بخشش کے طور پر طلب کرنا اس کے لئے تکلیف کا باعث نه هو تو ضروری هے که جس کے پاس لباس هو اس سے ادھار مانگ لے یا بخشش کے طور پر طلب کرے۔

853۔ اگر کوئی شخص ایسا لباس پهننا چاهے جس کا کپڑا، رنگ یا سلائی رواج کے مطابق نه هو تو اگر اس کا پهننا اس کی شان کے خلاف اور توهین کا باعث هو تو اس کا پهننا حرام هے۔ لیکن اگر وه اس لباس کے ساتھ نماز پڑھے اور اس کے پاس شرمگاه چھپانے کے لئے فقط وهی لباس هو تو اس کی نماز صحیح هے۔

854۔ اگر مرد زنانه لباس پهنے اور عورت مردانه لباس پهنے اور اسے اپنی زینت قرار دے تو احتیاط کی بنا پر اس کی پهننا حرام هے لیکن اس لباس کے ساتھ نماز پڑھنا هر صورت میں صحیح هے۔

855۔ جس شخص کو لیٹ کر نماز پرھنی چاهے اگر اس کا لحاف درندے کے اجزا سے بلکه احتیاط کی بنا پر هر حرام گوشت جانور کے اجزاء سے بنا هو یا نس یا ریشمی هو اور اسے پهناوا کها جاسکے تو اس میں بھی نماز جائز نهیں هے۔ لیکن اگر اسے محض

ص:174

اپنے اوپر ڈال لیا جائے تو کوئی حرج نهیں اور اس سے نماز باطل نهیں هوگی البته گدیلے کے استمعال میں کسی حالت میں بھی کوئی قباحت نهیں ماسوا اس کے که اس کا کچھ حصه انسان اپنے اوپر لپیٹ لے اور اسے عرف عام میں پهناوا کها جائے تو اس صورت میں اس کا بھی وهی حکم هے جو لحاف کا هے۔