مُتَفَرِّق مَسَائِل

1365۔ مسافر مسجد الحرام، مسجد نبوی اور مسجد کوفه میں بلکه مکه مکرمه، مدینه منوره اور کوفه کے پورے شهروں میں اپنی نماز پوری پڑھ سکتا هے نیز حضرت سَیِّدُالشهداء علیه السلام کے حَرم میں بھی قبر مُطَهَّر سے 14 گز کے فاصلے تک مسافر اپنی نماز پوری پڑھ سکتا هے۔

1366۔ اگر کوئی ایسا شخص جسے معلوم هو که وه مسافر هے اور اسے نماز قصر کرکے پڑھنی ضروری هے ان چار جگهوں کے علاوه جن کا ذکر سابقه مسئله میں کیا گیا هے کسی اور جگه جان بوجھ کر پوری نماز پڑھے تو اس کی نماز باطل هے اور اگر بھول جائے که مسافر کو نماز قصر کرکے پڑھنی چاهئے اور پوری نماز پڑھ لے تو اس کے لئے بھی یهی حکم هے لیکن بھول جانے کی صورت میں اگر اسے نماز کے وقت کے بعد یه بات یاد آئے تو اس نماز کا قضا کرنا ضروری نهیں۔

1367۔جو شخص جانتا هو که وه مسافر هے اور اسے نماز قصر کرکے پڑھنی ضروری هے اگر وه بھول کر پوری نماز پڑھ لے اور بروقت متوجه هو جائے تو نماز دوباره پڑھنا ضروری هے اور اگر وقت گزرنے کے بعد متوجه هو تو احتیاط کی بنا پر قضا کرنا ضروری هے۔

1368۔ جو مسافر یه نه جانتا هو که اسے نماز قصر کرکے پڑھنی ضروری هے اگر وه پوری نماز پڑھے تو اس کی نماز صحیح هے۔

1369۔ جو مسافر جانتا هو که اسے نماز قصر کرکے پڑھنی چاهئے اگر وه قصر نماز کے بعض خصوصیات سے ناواقف هو مثلاً یه نه جانتا هو که آٹھ فرسخ کے سفر میں نماز قصر کرکے پڑھنی ضروری هے تو اگر وه پوری نماز پڑھ لے اور نماز کے وقت میں اس مسئلے کا پته چل جائے تو احتیاط لازم کی بنا پر ضروری هے که دوباره نماز پڑھے اور اگر دوباره نه پڑھے تو اس کی قضا کرے لیکن اگر نماز کا وقت گزرنے کے بعد اسے (حکم مسئله) معلوم هو تو اس نماز کی قضا نهیں هے۔

ص:267

1370۔ اگر ایک مسافر جانتا هو که اسے نماز قصر کرکے پڑھنی چاهئے اور وه اس گمان میں پوری نماز پڑھ لے که اس کا سفر آٹھ فرسخ سے کم هے تو جب اسے پته چلے که اس کا سفر آٹھ فرسخ کا تھا تو ضروری هے که جو نماز پوری پڑھی هو اسے دوباره قصر کرکے پڑھے اور اگر اسے اس بات کا پته نماز کا وقت گزر جانے کے بعد چلے تو قضا ضروری نهیں۔

1371۔ اگر کوئی شخص بھول جائے که وه مسافر هے اور پوری نماز پڑھ لے اور اسے نماز کے وقت کے اندر هی یاد آجائے تو اسے چاهئے که قصر کرکے پڑھے اور اگر نماز کے وقت کے بعد یاد آئے تو اس نماز کی قضا اس پر واجب نهیں۔

1372۔ جس شخس کو پوری نماز پڑھنی ضروری هے اگر وه اسے قصر کرکے پڑھے تو اس کی نماز هر صورت میں باطل هے اگرچه احتیاط کی بنا پر ایسا مسافر هو جو کسی جگه دس دن رهنے کا اراده رکھتا هو اور مسئلے کا حکم نه جاننے کی وجه سے نماز قصر کرکے پڑھی هو۔

1373۔ اگر ایک شخص چار رکعتی نماز پڑھ رها هو اور نماز کے دوران اسے یاد آئے که وه تو مسافر هے یا اس امر کی طرف متوجه هو که اس کا سفر آٹھ فرسخ هے اور وه ابھی تیسری رکعت کے رکوع میں نه گیا هو تو ضروری هے که نماز کو دو رکعتوں پر هی تمام کر دے اور اگر تیسری رکعت کے رکوع میں جاچکا هو تو احتیاط کی بنا پر اس کی نماز باطل هے اور اگر اس کے پاس ایک رکعت پڑھنے کے لئے بھی وقت باقی هو تو ضروری هے که نماز کو نئے سرے سے قصر کرکے پڑھے۔

1374۔ اگر کسی مسافر کو "نماز مسافر" کی بعض خصوصیات کا علم نه هو مثلاً وه یه جانتا هو که اگر چار فرسخ تک جائے اور واپسی میں چار فرسخ کا فاصله طے کرے تو اسے نماز قصر کرکے پڑھنی ضروری هے اور چار رکعت والی نماز کی نیت سے نماز میں مشغول هو جائے اور تیسری رکعت کے رکوع سے پهلے مسئله اس کی سمجھ میں آجائے تو ضروری هے که نماز کو دو رکعتوں پر هی تمام کر دے اور اگر وه رکوع میں اس امر کی جانب متوجه هو تو احتیاط کی بنا پر اس کی نماز باطل هے اور اس صورت میں اگر اس کے پاس ایک رکعت پڑھنے کے لئے بھی وقت باقی هو تو ضروری هے که نماز کو نئے سرے سے قصر کرکے پڑھے۔

1375۔ جس مسافر کو پوری نماز پڑھنی ضروری هو اگر وه مسئله نه جاننے کی وجه سے دو رکعتی نماز کی نیت سے نماز پڑھنے لگے اور نماز کے دوران مسئله اس کی سمجھ میں آجائے تو ضروری هے که چار رکعتیں پڑھ کر نماز کو تمام کرے اور احتیاط مستحب یه هے که نماز ختم هونے کے بعد دوباره اس نماز کو چار رکعتی پڑھے۔

ص:268

1376۔ جس مسافر نے ابھی نماز نه پڑھی هو اگر وه نماز کا وقت ختم هونے سے پهلے اپنے وطن پهنچ جائے یا ایسی جگه پهنچے جهاں دس دن رهنا چاهتا هو تو ضروری هے که پوری نماز پڑھے اور جو شخص مسافر نه هو اگر اس نے نماز کے اول وقت میں نماز نه پڑھی هو اور سفر اختیار کرے تو ضروری هے که سفر میں نماز قصر کرکے پڑھے۔

1377۔ جس مسافر کو نماز قصر کرکے پڑھنا ضروری هو اگر اس کی ظهر یا عصر یا عشا کی نماز قضا هو جائے تو اگرچه وه اس کی قضا اس وقت بجالائے جب وه سفر میں نه هو ضروری هے که اس کی دو رکعتی قضا کرے۔ اور اگر ان تین نمازوں میں سے کسی ایسے شخص کی کوئی نماز قضا هو جائے جو مسافر نه هو تو ضروری هے که چار رکعتی قضا بجالائے اگرچه یه قضا اس وقت بجالائے جب وه سفر میں هوا۔

1378۔مستحب هے که مسافر هر قصر کے نماز کے بعد تیس مرتبه سُبحَانَ اللهِ وَالحَمدُ لِلّٰهِ وَلاَ اِلٰهَ اِلاَّ اللهُ وَاللهُ اَکبَرُ کهے اور ظهر، عصر اور عشا کی تعقیبات کے متعلق بهت زیاده تاکید کی گئی هے بلکه بهتر هے که مسافر ان تین نمازوں کی تعقیب میں یهی ذکر ساٹھ مرتبه پڑھے۔