اشاره

2649۔ "منّت" یه هے که انسان اپنے آپ پر واجب کرلے که الله تعالی کی رضا کے لئے کوئی اچھا کام کرے گا یا کوئی ایسا کام جس کا نه کرنا بهتر هو ترک کر دے گا۔

2650۔ منت میں صیغه پڑھنا ضروری هے اور یه لازم نهیں که صیغه عربی میں هی پڑھا جائے لهذا اگر کوئی شخص کهے که "میرا مریض صحت یاب هو گیا تو الله تعالی کی خاطر مجھ پر لازم هے که میں دس روپے فقیر کو دوں" تو اس کی منت صحیح هے۔

2651۔ ضروری هے که منت ماننے والا بالغ اور عاقل هو نیز اپنے ارادے اور اختیار کے ساتھ منت مانے لهذا کسی ایسے شخص کا منت ماننا جسے مجبور کیا جائے یا جو جذبات میں آکر بغیر ارادے کے بے اختیار منت مانے تو صحیح نهیں هے۔

2652۔ کوئی سفیه اگر منت مانے مثلاً یه که کوئی چیز فقیر کو دے گا تو اس کی منت صحیح نهیں هے۔ اور اسی طرح اگر کوئی دیوالیه شخص منت مانے که مثلاً اپنے اس مال میں سے جس میں تصرف کرنے سے اسے روک دیا گیا هو کوئی چیز فقیر کو دے گا تو اس کی منت صحیح نهیں هے۔

2653۔ شوهر کی اجازت کے بغیر عورت کا ان کاموں میں منت ماننا جو شوهر کے حقوق کے منافی هوں صحیح نهیں هے۔ اور اسی طرح عورت کا اپنے مال میں شوهر کی اجازت کے بغیر منت ماننا محل اشکال هے لیکن (اپنے مال میں سے شوهر کی اجازت کے بغیر) حج کرنا، زکوٰۃ اور صدقه دینا اور ماں باپ سے حسن سلوک اور رشتے داروں سے صله رحمی کرنا (صحیح هے)۔

2654۔ اگر عورت شوهر کی اجازت سے منت مانے تو شوهر اس کی منت ختم نهیں کر سکتا اور نه هی اسے منت پر عمل کرنے سے روک سکتا هے۔

2655۔ اگر ۔ بیٹا باپ کی اجازت کے بغیر یا اس کی اجازت سے منت مانے تو ضروری هے که اس پر عمل کرے لیکن اگر باپ یا ماں اسے اس کام سے جس کی اس نے منت مانی هو اس طرح منع کریں که ان کے منع کرنے کے بعد اس پر عمل کرنا اس کے لئے بهتر نه هو تو اس کی منت کالعدم هو جائے گی۔

ص:507

2656۔ انسان کسی ایسے کام کی منت مان سکتا هے جسے انجام دینا اس کے لئے ممکن هو لهذا جو شخص مثلاً پیدل چل کر کربلا نه جاسکتا هو اگر وه منت مانے که وهاں تک پیدل جائے گا تو اس کی منت صحیح نهیں هے۔

2657۔ اگر کوئی شخص منت مانے که کوئی حرام یا مکروه کام انجام دے گا یا کوئی واجب یا مستحب کام ترک کر دے گا تو اس کی منت صحیح نهیں هے۔

2658۔ اگر کوئی شخص منت مانے که کسی مباح کام کو انجام دے گا یا ترک کرے گا لهذا اگر اس کام کا بجا لانا اور ترک کرنا هر لحاظ سے مساوی هو تو اس کی منت صحیح نهیں اور اگر اس کام کا انجام دینا کسی لحاظ سے بهتر هو اور انسان منت بھی اسی لحاظ سے مانے مثلاً منت مانے که کوئی (خاص) غذا کھائے گا تاکه الله کی عبادت کے لئے اسے توانائی حاصل هو تو اس کی منت صحیح هے۔ لیکن اگر بعد میں تمباکو کا استعمال ترک کرنا اس کے لئے نقصان ده هو تو اس کی منت کالعدم هوجائے گی۔

2659۔ اگر کوئی شخص منت مانے که واجب نماز ایسی جگه پڑھے گا جهاں بجائے خود نماز پڑھنے کا ثواب زیاده نهیں مثلاً منت مانے که نماز کمرے میں پڑھے گا تو اگر وهاں نماز پڑھنا کسی لحاظ سے بهتر هو مثلاً چونکه وهاں خلوت هے اس لئے انسان حضور قلب پیدا کرسکتا هے اگر اس کے منت ماننے کا مقصد یهی هے تو منت صحیح هے۔

2660۔ اگر ایک شخص کوئی عمل بجالانے کی منت مانے تو ضروری هے که وه عمل اسی طرح بجالائے جس طرح منت مانی هو لهذا اگر منت مانے که مهینے کی پهلی تاریخ کو صدقه دے گا یا روزه رکھے گا یا (مهینے کی پهلی تاریخ کو) اول ماه کی نماز پڑھے گا تو اگر اس دن سے پهلے یا بعد میں اس عمل کو بجالائے تو کافی نهیں هے۔ اسی طرح اگر کوئی شخص منت مانے که جب اس کا مریض صحت یاب هوجائے گا تو وه صدقه دے گا تو اگر اس مریض کے صحت یاب هونے سے پهلے صدقه دے دے تو کافی نهیں هے۔

2661۔ اگر کوئی شخص روزه رکھنے کی منت مانے لیکن روزوں کا وقت اور تعداد معین نه کرے تو اگر ایک روزه رکھے تو کافی هے۔ اگر نماز پڑھنے کی منت مانے اور نمازوں کی مقدار اور خصوصیات معین نه کرے تو اگر ایک دو رکعتی نماز پڑھ لے تو کافی هے۔ اور اگر منت مانے کی صدقه دے گا اور صدقے کی جنس اور مقدار معین نه کرے تو اگر ایسی چیز دے که لوگ کهیں که اس نے صدقه دیا هے تو پھر اس نے اپنی منت کے مطابق عمل کر دیا هے۔ اور اگر منت مانے که کوئی کام الله تعالی

ص:508

کی خوشنودی کے لئے بجالائے گا تو اگر ایک (دو رکعتی) نماز پڑھ لے یا ایک روزه رکھ لے یا کوئی چیز صدقه دے دے تو اس نے اپنی منت نبھالی هے۔

2662۔ اگر کوئی شخص منت مانے که ایک خاص دن روزه رکھے گا تو ضروری هے که اسی دن روزه رکھے اور اگر جان بوجھ کر روزه نه رکھے تو ضروری هے که اس دن کے روزے کی قضا کے علاوه کفاره بھی دے اور اظهر یه هے که اس کا کفاره قسم توڑنے کا کفاره هے جیسا که بعد میں بیان کیا جائے گا لیکن اس دن وه اختیاراً یه کرسکتا هے که سفر کرے اور روزه نه رکھے۔ اور اگر سفر میں هو تو لازم نهیں که ٹھهرنے کی نیت کرکے روزه رکھے اور اس صورت میں جب که سفر کی وجه سے یاکسی دوسرے عذر مثلاً بیماری یا حیض کی وجه سے روزه نه رکھے تو لازم هے که روزے کی قضا کرے لیکن کفاره نهیں هے۔

2663۔ اگر انسان حالت اختیار میں اپنی منت پر عمل نه کرے تو کفاره دینا ضروری هے ۔

2664۔ اگر کوئی شخص ایک معین وقت تک کوئی عمل ترک کرنے کی منت مانے تو اس وقت کے گزرنے کے بعد اس عمل کو بجالاسکتا هے اور اگر اس وقت کے گزرنے سے پهلے بھول کر یا به امر مجبوری اس عمل کو انجام دے تو اس پر کچھ واجب نهیں هے لیکن پھر بھی لازم هے که وه وقت آنے تک اس عمل کو انجام نه دے اور اگر اس وقت کے آنے سے پهلے بغیر عذر کے اس عمل کو دوباره انجام دے تو ضروری هے که کفاره دے۔

2665۔ جس شخص نے کوئی عمل ترک کرنے کی منت مانی هو اور اس کے لئے کوئی وقت معین نه کیا هو اگر وه بھول کر یا به امر مجبوری یا غفلت کی وجه سے اس عمل کو انجام دے تو اس پر کفاره واجب نهیں هے لیکن اس کے بعد جب بھی به حالت اختیار اس عمل کو بجالائے ضروری هے که کفاره دے۔

2626۔ اگر کوئی شکص منت مانے که هر هفتے ایک معین دن کا مثلاً جمعے کا روزه رکھے گا تو اگر ایک جمعے کے دن عید فطر یا عید قربان پڑ جائے یا جمعه کے دن اسے کوئی اور عذر مثلاً سفر در پیش هو یا حیض آجائے تو ضروری هے که اس دن روزه نه رکھے اور اس کی قضا بجالائے۔

2627۔ اگر کوئی شخص منت مانے که ایک معین مقدار میں صدقه دے گا تو اگر وه صدقه دینے سے پهلے مرجائے تو اس کے مال میں سے اتنی مقدار میں صدقه دینا لازم نهیں هے اور بهتر یه هے که اس کے بالغ ورثاء میں میراث میں سے اپنے حصے سے اتنی مقدار میت کی طرف سے صدقه دے دیں۔

ص:509

2628۔ اگر کوئی شخص منت مانے که ایک معین فقیر کو صدقه دے گا تو وه کسی دوسرے فقیر کو نهیں دے سکتا اور اگر وه معین کرده فقیر مرجائے تو احتیاط مستحب یه هے که صدقه اس کے پسماندگان کو دے۔

2629۔ اگر کوئی منت مانے که ائمه علیهم السلام میں سے کسی ایک کی مثلاً حضرت امام حسین ؑ کی زیارت سے مشرف هوگا تو اگر وه کسی دوسرے امام کی زیارت کے لئے جائے تو یه کافی نهیں هے۔ اور اگر کسی عزر کی وجه سے ان امام کی زیارت نه کرسکے تو اس پر کچھ بھی واجب نهیں هے۔

2670۔ جس شخص نے زیارت کرنے کی منت مانی هو لیکن غسل زیارت اور اس کی نماز کی منت نه مانی هو تو اس کے لئے انهیں بجالانا لازم نهیں هے۔

2671۔ اگر کوئی شخص کسی امام یا امام زادے کے حرم کے لئے مال خرچ کرنے کی منت مانے اور کوئی خاص مصرف معین نه کرے تو ضروری هے که اس مال کو اس حرم کی تعمیر ( ومرمت) روشنیوں اور قالین وغیره پر صرف کرے۔

2672۔ اگر کوئی شخص کسی امام کے لئے کوئی چیز نذر کرے تو اگر کسی معین مصرف کی نیت کی هو تو ضروری هے که اس چیز کو اسی مصرف میں لائے اور اگر کسی معین مصرف کی نیت نه کی هو تو ضروری هے که اسے ایسے مصرف میں لے آئے جو امام سے نسبت رکھتا هو مثلاً اس امام ؑ کے نادار زائرین پر خرچ کرے یا اس امام ؑ کے حرم کے مصارف پر خرچ کرے یا ایسے کاموں میں خرچ کرے جو امام کا تذکره عام کرنے کا سبب هوں۔اور اگر کوئی چیز کسی امام زادے کے لئے نذر کرے تب بھی یهی حکم هے۔

2637۔ جس بھیڑ کو صدقے کے لئے یا کسی امام کے لئے نذر کیا جائے اگر وه نذر کے مصرف میں لائے جانے سے پهلے دودھ دے یا بچه جنے تو وه (دودھ یا بچه) اس کا مال هے جس نے اس بھیڑ کو نذر کیا هو مگر یه که ا س کی نیت عام هو( یعنی نذر رکنے والے نے اس بھیڑ، اس کے بچے اور دودھ وغیره سب چیزوں کی منت مانی هو تو وه سب نذر هے) البته بھیڑ کی اون اور جس مقدار میں وه فربه هو جائے نذر کا جزو هے۔

2674۔ جب کوئی منت مانے که اگر اس کا مریض تندرست هوجائے یا اس کا مسافر واپس آجائے تو وه فلاں کام کرے گا تو اگر پتا چلے که منت ماننے سے پهلے مریض تندرست هوگیا تھا یا مسافر واپس آگیا تھا تو پھر منت پر عمل کرنا لازم نهیں۔

ص:510

2675۔ اگر باپ یا ماں منت مانیں که اپنی بیٹی کی شادی سید زادے سے کریں گے تو بالغ هونے کے بعد لڑکی اس بارے میں خود مختار هے اور والدین کی منت کی کوئی اهمیت نهیں۔

2676۔جب کوئی شخص الله تعالی سے عهد کرے که جب اس کی کوئی معین شرعی حاجت پوری هوجائے گی تو فلاں کام کرے گا۔ پس جب اس کی حاجت پوری هوجائے تو ضروری هے که وه کام انجام دے۔ نیز اگر وه کوئی حاجت نه هوتے هوئے عهد کرے که فلاں کام انجام دے گا تو وه کام کرنا اس پر واجب هوجاتا هے۔

2677۔ عهد میں بھی منت کی طرح صیغه پڑھنا ضروری هے ۔ اور (علماء کے بیچ) مشهور یه هے که کوئی شخص جس کام کے انجام دینے کا عهد کرے ضروری هے که یا تو واجب اور مستجب نمازوں کی طرح عبادت هو یا ایسا کام هو جس کا انجام دینا شرعاً اس کے ترک کرنے سے بهتر هو لیکن ظاهر هے که یه بات معتبر نهیں هے۔ بلکه اگر اس طرح هو جیسے مسئله 2680 میں قسم کے احکام میں آئے گا، تب بھی عهد صحیح هے اور اس کام کو انجام دینا ضروری هے۔

2678۔ اگر کوئی شخص اپنے عهد پر عمل نه کرے تو ضروری هے که کفاره دے یعنی ساٹھ فقیروں کو پیٹ بھر کر کھانا کھلائے یا دو مهینے مسلسل روزے رکھے یا ایک غلام کو آزاد کرے۔