متفرق مسائل

2145۔ اگر بیچنے والا خریدار کو کسی جنس کی قیمت خرید بتائے تو ضروری هے که وه تمام چیزیں بھی اسے بتائے جن کی وجه سے مال کی قیمت گھٹتی بڑھتی هے اگرچه اسی قیمت پر (جس پر خریدار هے) یا اس سے بھی کم قیمت پر بیچے۔ مثلاً اسے بتاتا ضروری هے که مال نقد خریدا هے یا ادھار لهذا اگر مال کی کچھ خصوصیات نه بتائے اور خریدار کو بعد میں معلوم هو تو وه سودا فسخ کر سکتا هے۔

2146۔ اگر انسان کوئی جنس کسی کو دے اور اس کی قیمت معین کر دے اور کهے "یه جنس اس قیمت پر بیچو اور اس سے زیاده جتنی قیمت وصول کرو گے وه تمهاری محنت کی اجرت هوگی" تو اس صورت میں وه شخص اس قیمت سے زیاده جتنی قیمت بھی وصول کرے وه جنس کے مالک کامال هوگا اور بیچنے والا مالک سے فقط محنتانه لے سکتا هے لیکن اگر معاهده بطور جعاله هو اور مال کا مالک کهے که اگر تو نے یه جنس اس قیمت سے زیاده پر بیچی تو فاضل آمدنی تیرا مال هے تو اس میں کوئی حرج نهیں۔

2147۔ اگر قصاب نر جانور کا گوشت کهه کر ماده کا گوشت بیچے تو وه گنهگار هوگالهذا اگر وه اس گوشت کا معین کر دے اور کهے که میں یه نر جانور کا گوشت بیچ رها هوں تو خریدار سودا فسخ کرسکتا هے اور اگر قصاب اس گوشت کو معین نه کرے اور

ص:403

خریدار کو جو گوشت ملا هو (یعنی ماده کا گوشت) وه اس پر راضی نه هو تو ضروری هے که قصاب اسے نر جانور کا گوشت دے۔

2148۔ اگر خریدار بزاز سے کهے که مجھے ایسا کپڑا چاهئے جس کا رنگ کچا نه هو اور بزاز ایک ایسا کپڑا اس کے هاتھ فروخت کرے جس کا رنگ کچا هو تو خریدار سودا فسخ کر سکتا هے۔

2149۔ لین دین میں قسم کھانا اگر سچی هو تو مکروه هے اور اگر جھوٹی هو تو حرام هے۔