غصب کے احکام

"غصب" کے معنی یه هیں که کوئی شخص کسی کے مال پر حق پر ظلم (اور دھونس یا دھاندلی) کے ذریعے قابض هو جائے۔ اور یه بهت بڑے گناهوں میں سے ایک گناه هے جس کا مرتکب قیامت کے دن سخت عذاب میں گرفتار هوگا۔ جناب رسول اکرم (صلی الله علیه وآله) سے روایت هے "جو شخص کسی دوسرے کی ایک بالشت زمین غصب کرے قیامت کے دن اس زمین کو اس کے ساتھ طبقوں سمیت طوق کی طرح اس کی گردن میں ڈال دیا جائے گا۔”

2554۔ اگر کوئی شخص لوگوں کو مسجد یا مدرسے یا پل یا دوسری ایسی جگهوں سے جو رفاه حامه کے لئے بنائی گئی هوں استفاده نه کرنے دے تو اس نے ان کا حق غصب کیا هے۔ اسی طرح اگر کوئی شخص مسجد میں اپنے (بیٹھنے کے) لئے جگه مختص کرے اور دوسرا کوئی شخص اسے اس جگه سے نکال دے اور اسے اس جگه سے استفاده کرنے دے تو وه گناه گار هے۔

2555۔اگر گردی رکھوانے والا اور گردی رکھنے والا یه طے کریں که جو چیز گروی رکھی جارهی هو وه گروی رکھنے والے یا کسی تیسرے شخص کے پاس رکھی جائے تو گروی رکھوانے والا اس کا قرض ادا کرنے سے پهلے اس چیز کو واپس نهیں لے سکتا اور اگر وه چیز واپس لی هو تو ضروری هے که فوراً لوٹا دے۔

2556۔ جو مال کسی کے پاس گروی رکھا گیا هو اگر کوئی اور شخص اسے غصب کرلے تو مال کامالک اور گروی رکھنے والا دونوں غاصب سے غصب کی هوئی چیز کا مطالبه کر سکتے هیں اور اگر وه چیز غاصب سے واپس لے لیں تو وه گروی رهے گی اور اگر وه چیز تلف هو جائے اور وه اس کا عوض حاصل کریں تو وه عوض بھی اصلی چیز کی طرح گروی رهے گا۔

2557۔ اگر انسان کوئی چیز غصب کرے تو ضروری هے که اس کے مالک کو لوٹا دے اور اگر وه چیز ضائع هوجائے اور اس کی کوئی قیمت هو تو ضروری هے که اس کا عوض مالک کو دے۔

ص:483

2558۔ جو چیز غصب کی گئی هو اگر اس سے کوئی نفع هو مثلاً غصب کی هوئی بھیڑ کا بچه پیدا هو تو وه اس کے مالک کا مال هے نیز مثال کے طور پر اگر کسی نے کوئی مکان غصب کر لیا هو تو خواه غاصب اس مکان میں نه رهے ضروری هے که اس کا کرایه مالک کو دے۔

2559۔اگر کوئی بچے یا دیوانے سے کوئی چیز جو اس (بچے یا دیوانے) کا مال هو غصب کرے تو ضروری هے که وه چیز اس کے سرپرست کو دے دے اور اگر وه چیز تلف هو جائے تو ضروری هے که اس کا عوض دے۔

2560۔ اگر وه آدمی مل کر کسی چیز کو غصب کریں چنانچه وه دونوں اس چیز پر تسلط رکھتے هوں تو ان میں سے هر ایک اس پوری چیز کا ضامن هے اگرچه ان میں سے هر ایک جدا گانه طور پر اسے غصب نه کرسکتا هے۔

2561۔ اگر کوئی شخص غصب کی هوئی چیز کو کسی دوسری چیز سے ملا دے مثلاً جو گیهوں غصب کی هو اسے جَوسے ملادے تو اگر ان کا جدا کرنا ممکن هو تو خواه اس میں زحمت هی کیوں نه هو ضروری هے که انهیں ایک دوسرے سے علیحده کرے اور (غصب کی هوئی چیز) اس کے مالک کو واپس کر دے۔

2562۔ اگر کوئی شخص طلائی چیز مثلاً سونے کی بالیوں کو غصب کرے اور اس کے بعد اسے پگھلا دے تو پگھلانے سے پهلے اور پگھلانے کے بعد کی قیمت میں جو فرق هو ضروری هے که وه مالک کو ادا کرے چنانچه اگر قیمت میں جو فرق پڑا هو وه نه دینا چاهے اور کهے که میں اسے پهے کی طرح بنا دوں گا تو مالک مجبور نهیں که اس کی بات قبول کرے اور مالک بھی اسے مجبور نهیں کرسکتا که وه اسے پهلے کی طرح بنادے۔

2563۔جس شخص نے کوئی چیز غصب کی هو اگر وه اس میں ایسی تبدیلی کرے که اس چیز کی حالت پهلے سے بهتر هو جائے مثلاً جو سونا غصب کیا هو اس کے بند بنا دے تو اگر مال کا مالک اسے کهه که مجھے مال اسی حالت میں (یعنی بندے کی شکل میں) دو تو ضروری هے که اسے دے دے اور جو زحمت اس نے اٹھائی هو (یعنی بندے بنانے پر جو محنت کی هو) اس کی مزدوری نهیں لے سکتا اور اسی طرح وه یه حق نهیں رکھتا که مالک کی اجازت کے بغیر اس چیز کو اس کو پهلی حالت میں لے آئے لیکن اگر اس کی اجازت کے بغیر اس چیز کو پهلے جیسا کردے یا اور کسی شکل میں تبدیل کرے تو معلوم نهیں هے که دونوں صورتوں میں قیمت کا جو فرق هے اس کا ضامن هے یا (نهیں)۔

ص:484

2564۔ جس شخص نے کوئی چیز غصب کی هو اگر وه اس میں ایسی تبدیلی کرے که اس چیز کی حالت پهلے سے بهتر هوجائے اور صاحب مال اسے اس چیز کی پهلی حالت میں واپس کرنے کو کهتے تو اس کے لئے واجب هے که اسے اس کی پهلی حالت میں لے آئے اور اگر تبدیلی کرنے کی وجه سے اس چیز کی قیمت پهلی حالت سے کم هوجائے تو ضروری هے که اس کا فرق مالک کو دے لهذا اگر کوئی شخص غصب کئے هوئے سونے کا هار بنالے اور اس سونے کا مالک کهے که تمهارے لئے لازم هے که اسے که پهلی شکل میں لے آو تو اگر پگھلانے کے بعد سونے کی قیمت اس سے کم هو جائے جتنی هار بنانے سے پهلی تھی تو غاصب کے لئے ضروری هے که قیمتوں میں جتنا فرق هو اس کے مالک کو دے۔

2565۔ اگر کوئی شخص اس زمین میں جو اس نے غصب کی هو کھیتی باڑی کرے یا درخت لگائے تو زراعت، درخت اور ان کا پھل خود اس کا مال هے اور زمین کا مالک اس بات راضی نه هو که درخت اس زمین میں رهیں تو جس نے وه زمین غصب کی هو ضروری هے که خواه ایسا کرنا اس کے لئے نقصان ده هی کیوں نه هو وه فوراً اپنی زراعت یا درختوں کو زمین سے اکھیڑلے نیز ضروری هے که جتنی مدت زراعت اور درخت اس زمین میں رهے هوں اتنی مدت کا کرایه زمین کے مالک کو دے اور جو خرابیاں زمین میں پیدا هوئی هوں انهیں درست کرے مثلاً جهاں درختوں کو اکھیڑنے سے زمین میں گڑھے پڑگئے هوں اس جگه کو هموار کرے اور اگر ان خرابیوں کی وجه سےزمین کی قیمت پهلے سے کم هوجائے تو ضروری هے که قیمت میں جو فرق پڑے وه بھی ادا کرے اور وه زمین کے مالک کو اس بات پر مجبور نهیں کرسکتا که زمین اس کے هاتھ بیچ دے یا کرائے پر دیدے نیز زمین کا مالک بھی اسے مجبور نهیں کرسکتا که درخت یا زراعت اس کے هاتھ بیچ دے۔

2566۔ اگر زمین کا مالک اس بات پر راضی هو جائے که زراعت اور درخت اس کی زمین میں رهیں تو جس شخص نے زمین غصب کی هو اس کے لئے لازم نهیں که زراعت اور درختوں کو اکھیڑے لیکن ضروری هے که جب زمین غصب کی هو اس وقت سے لے کر مالک کے راضی هونے تک کی مدت کا زمین کا کرایه دے۔

2567۔ جو چیز کسی نے غصب کی هو اگر وه تلف هو جائےتو اگر وه چیز گائے اور بھیڑ کی طرح کی هو جن کی قیمت ان کی ذاتی خصوصیات کی بنا پر عقلاء کی نظر میں فرداً فرداً مختلف هوتی هے تو ضروری هے که غاصب اس چیز کی قیمت ادا کرے اور اگر اس وقت اور ضرورت مختلف هونے کی وجه سے اس کی بازار کی قیمت بدل گئی هو تو ضروری هے که وه قیمت دے جو تلف هونے کے وقت تھی اور احتیاط مستحب یه هے که غصب کرنے کے وقت سے لے کر تلف هونے تک اس چیز کی جو زیاده سے زیاده قیمت رهی هو وه دے۔

ص:485

2568۔ جو چیز کسی نے غصب کی هو اگر وه تلف هو جائے تو اگر وه گیهوں اور جَو کی مانند هو جن کی فرداً فرداً قیمت کا ذاتی خصوصیات کی بنا پر باهم فرق نهیں هوتا تو ضروری هے که (غاصب نے) جو چیز غصب کی هو اسی جیسی چیز مالک کو دے لیکن جو چیز دے ضروری هے که اس کی قسم اپنی خصوصیات میں اس غصب کی هوئی چیز کی قسم کے مانند هو جو که تلف هوگئی هے مثلاً اگر بڑھیا قسم کا چاول غصب کیا تھا تو گھٹیا قسم کا نهیں دے سکتا۔

2569۔ اگر ایک شخص بھیڑ جیسی کوئی چیز غصب کرے اور وه تلف هو جائے تو اگر اس کی بازار کی قیمت میں فرق نه پڑا هو لیکن جتنی مدت وه غصب کرنے والے کے پاس رهی هو اس مدت میں مثلاً فربه هو گئی هو اور پھر تلف هو جائے تو ضروری هے که فربه هونے کے وقت کی قیمت ادا کرے۔

2570۔ جو چیز کسی نے غصب کی هو اگر کوئی اور شخص وهی چیز اس سے غصب کرے اور پھر وه تلف هو جائے تو مال ان دونوں میں سے هر ایک سے اس کا عوض لے سکتا هے یا ان دونوں میں سے هر ایک سے اس کے عوض کی کچھ مقدار کا مطالبه کر سکتا هے لهذا اگر مال کا مالک اس کا عوض پهلے غاصب سے لے لے تو پهلے غاصب نے جو کچھ دیا هو وه دوسرے غاصب سے لے سکتا هے لیکن اگر مال کا مالک اس کا عوض دوسرے غاصب سے لے لے تو اس نے جو کچھ دیا هے اس کا مطالبه دوسرا غاصب پهلے غاصب سے نهیں کرسکتا۔

2571۔ جس چیز کو بیچا جائے اگر اس میں معاملے کی شرطوں میں سے کوئی ایک موجود نه هو مثلاً جس چیز کی خریدوفروخت وزن کرکے کرنی ضروری هو اگر اس کا معامله بغیر وزن کئے کیا جائے تو معامله باطل هے اور اگر بیچنے والا اور خریدار معاملے سے قطع نظر اس بات پر رضامند هوں که ایک دوسرے کے مال میں تصرف کریں تو کوئی اشکال نهیں هے ورنه جو چیز انهوں نے ایک دوسرے سے لی هو وه غصبی مال کی مانند هے اور ان کے لئے ضروری هے که ایک دوسرے کی چیزیں واپس کر دیں اور اگر دونوں میں سے جس کے بھی هاتھوں دوسرے کا مال تلف هو جائے تو خواه اسے معلوم هو یا نه هو که معامله باطل تھا ضروری هے که اس کا عوض دے۔

2572۔ جب ایک شخص کوئی مال کسی بیچنے والے سے اس مقصد سے لے که اسے دیکھے یا کچھ مدت اپنے پاس رکھے تاکه اگر پسند آئے تو خرید لے تو اگر وه مال تلف هوجائے تو مشهور قول کی بنا پر ضروری هے که اس کا عوض اس کے مالک کو دے۔

ص:486