شکاری کتے سے شکار کرنا

2618۔ اگر شکاری کتا کسی حلال گوشت والے جنگلی حیوان کا شکار کرے تو اس حیوان کے پاک هونے اور حلال هونے کے لئے چھ شرطیں هیں :

1۔ کتا اس طرح سدھایا هوا هو که جب بھی اسے شکار پکڑنے کے لئے بھیجا جائے چلا جائے اور جب اسے جانے سے روکا جائے تو روک جائے۔ لیکن اگر شکار سے نزدیک هونے اور شکار کو دیکھنے کے بعد اس جانے سے روکا جائے اور نه رکے تو کوئی حرج نهیں هے اور لازم نهیں هے که اس کی عادت ایسی هو که جب تک مالک نه پهنچے شکار کو نه کھائے بلکه اگر اس کی عادت یه هو که اپنے مالک کے پهنچنے سے پهلے شکار سے کچھ کھالے تو بھی حرج نهیں هے اور اسی طرح اگر اسے شکار کا خون پینے کی عادت هو تو اشکال نهیں۔

2۔ اس کا مالک اسے شکار کے لئے بھیجے۔ اور اگر وه اپنے آپ هی شکار کے پیچھے جائے اور کسی حیوان کو شکار کرلے تو اس حیوان کا کھانا حرام هے۔ بلکه اگر کتا اپنے آپ شکار کے پیچھے لگ جا4ے اور بعد میں اس کا مالک بانگ لگائے تاکه وه جلدی شکار تک پهنچے تو اگرچه وه مالک کی آواز کی وجه سے تیز بھاگے پھر بھی احتیاط واجب کی بنا پر اس شکار کو کھانے سے اجتناب کرنا ضروری هے۔

3۔ جو شخس کتے کو شکار کے پیچھے لگائے ضروری هے که مسلمان هو اس تفصیل کے مطابق جو اسلحه سے شکار کرنے کی شرائط میں بیان هوچکی هے۔

ص:498

4۔ کتے کو شکار کے پیچھے بھیجتے وقت شکاری الله تعالی کا نام لے اور اگر جان بوجھ کر الله تعالی کا نام نه لے تو وه شکار حرام لیکن اگر بھول جائے تو اشکال نهیں۔

5۔ شکار کو کتے کے کاٹنے سے جو زخم آئے وه اس سے مرے۔ لهذا اگر کتا شکار کا گلا گھونٹ دے یا شکار دوڑنے یا ڈر جانے کی وجه سے مرد جائے تو حلال نهیں هے۔

6۔ جس شخص نے کتے کو شکار کے پیچھے بھیجا هو اگر وه (شکار کئے گئے حیوان کے پاس) اس وقت پهنچے جب وه مرچکا هو یا اگر زنده هو تو اسے ذبح کرنے کے لئے وقت نه هو۔ لیکن شکاری کے پاس پهنچنا غیر معمولی تاخیر کی وجه سے نه هو۔ اور اگر ایسے وقت پهنچے جب اسے ذبح کرنے کے لئے وقت هو لیکن وه حیوان کو ذبح نه کرے حتی که وه مرجائے تو وه حیوان حلال نهیں هے۔

2619۔جس شخص نے کتے کو شکار کے پیچھے بھیجا هو اگر وه شکار کے پاس اس وقت پهنچے جب وه اسے ذبح کرسکتا هو تو ذبح کرنے کے لوازمات مثلاً اگر چھری نکالنے کی وجه سے وقت گزرجائے اور حیوان مر جائے تو حلال هے لیکن اگر اس کے پاس ایسی کوئی چیز نه هو جس سے حیوان کو ذبح کرے اور وه مر جائے تو بنابر احیتاط وه حلال نهیں هوتا البته اس صورت میں اگر وه شخص اس حیوان کو چھوڑ دے تاکه کتا اسے مار ڈالے تو وه حیوان حلال هوجاتا هے۔

2620۔ اگر کئی کتے شکار کے پیچھے پیچھے جائیں اور وه سب مل کر کسی حیوان کا شکار کریں تو اگر وه سب کے سب ان شرائط کو پورا کرتے هوں جو مسئله 2618 میں بیان کی گئی هیں تو شکار حلال هے اور اگر ان میں سے ایک کتا بھی ان شرائط کو پورا نه کرے تو شکار حرام هے۔

2621۔ اگر کوئی شخص کتے کو کسی حیوان کے شکار کے لئے بھیجے اور وه کتا کوئی دوسرا حیوان شکار کرلے تو وه شکار حلال اور پاک هے اور اگر جس حیوان کے پیچھے بھیجا گیا هو اسے بھی اور ایک حیوان کو بھی شکار کرلے تو وه دونوں حلال اور پاک هیں۔

2622۔ اگر چند اشخاص مل کر ایک کتے کو شکار کے پیچھے بھیجیں اور ان میں سے ایک شخص جان بوجھ کر خدا کا نام نه لے تو وه شکار حرام هے نیز جو کتے شکار کے پیچھے بھیجے گئے هوں اگر ان میں سے ایک کتا اس طرح سدھایا هوا نه هو جیسا که مسئله 2618 میں بتایا گیا هے تو وه شکار حرام هے۔

ص:499

2623۔ اگر بازشکاری کتے کے علاوه کوئی اور حیوان کسی جانور کا شکار کرے تو وه شکار حلال نهیں هے لیکن اگر کوئی شخص اس شکار کے پاس پهنچ جائے اور وه ابھی زنده هو اور اس طریقے کے مطابق جو شرع میں معین هے اسے ذبح کرلے تو پھر وه حلال هے۔