زکوٰۃ فطره کے متفرق مسائل

ص:377

2032۔ ضروری هے که انسان فطره قربت کے قصد سے یعنی الله تبارک و تعالی کی خوشنودی کے لئے دے اور اسے دیتے وقت فطرے کی نیت کرے۔

2033۔ اگر کوئی شخص ماه رمضان المبارک سے پهلے فطره دے دے تو یه صحیح نهیں هے اور بهتر یه هے که ماه رمضان المبارک میں بھی فطره نه دے البته اگر ماه رمضان المبارک سے پهلے کسی فقیر کو قرضه دے اور جب فطره اس پر واجب هوجائے، قرضے کو فطرے میں شمار کرلے تو کوئی حرج نهیں هے۔

2034۔ گیهوں یا کوئی دوسری چیز جو فطره کے طور پر دی جائے ضروری هے که اس میں کوئی اور جنس یا مٹی نه ملی هوئی هو۔ اور اگر اس میں کوئی ایسی چیز ملی هوئی هو اور خالص مال ایک صاع تک پهنچ جائے اور ملی هوئی چیز جدا کئے بغیر استعمال کے قابل هو یا جدا کرنے میں حد سے زیاده زحمت نه هو یا جو چیز ملی هوئی هو وه اتنی کم هو که قابل توجه نه هو تو کوئی حرج نهیں هے۔

2035۔ اگر کوئی شخص عیب دار چیز فطرے کے طور پر دے تو احتیاط واجب کی بنا پر کافی نهیں هے۔

2036۔ جس شخص کو کئی اشخاص کا فطره دینا هو اس کے لئے ضروری نهیں که سارا فطره ایک هی جنس سے دے مثلاً اگر بعض افراد کا فطره گیهوں سے اور بعض دوسروں کا جَو سے دے تو کافی هے۔

2037۔ عید کی نماز پڑھنے والے شخص کو احتیاط واجب کی بنا پر عید کی نماز سے پهلے فطره دینا ضروری هے لیکن اگر کوئی شخص نماز عید نه پڑھے تو فطرے کی ادائیگی میں ظهر کے وقت تک تاخیر کر سکتا هے۔

2038۔ اگر کوئی شخص فطرے کی نیت سے اپنے مال کی کچھ مقدار علیحده کر دے اور عید کے دن ظهر کے وقت تک مستحق کو نه دے تو جب بھی وه مال مستحق کو دے، فطرے کی نیت کرے۔

2039۔ اگر کوئی شخص فطرے واجب هونے کے وقت فطره نه دے اور الگ بھی نه کرے تو اس کے بعد ادا اور قضا کی نیت کئے بغیر فطره دے۔

2040۔ اگرکوئی شخص فطره الگ کر دے تو وه اسے اپنے مصرف میں لاکر دوسرا مال اس کی جگه بطور فطره نهیں رکھ سکتا۔

ص:378

2041۔ اگر کسی شخس کے پاس ایسا مال هو جس کی قیمت فطره سے زیاده هو تو اگر وه شخص فطره نه دے اور نیت کرے که اس مال کی کچھ مقدار فطرے کے لئے هوگی تو ایسا کرنے میں اشکال هے۔

2042۔ کسی شخص نے جو مال فطرے کے لئے کیا هو اگر وه تلف هوجائے تو اگر وه شخص فقیر تک پهنچ سکتا تھا اور اس نے فطره دینے میں تاخیر کی هو یا اس کی حفاظت کرنے میں کوتا هی کی هو تو ضروری هے که اس کا عِوَض دے اور اگر فقیر تک نهیں پهنچ سکتا تھا اور اس کی حفاظت میں کاتاهی نه کی هو تو پھر ذمه دار نهیں هے۔

2043۔ اگر فطرے دینے والے کے اپنے علاقے میں مستحق مل جائے تو احتیاط واجب یه هے که فطره دوسری جگه نه لے جائے اور اگر دوسری جگه لے جائے اور وه تلف هوجائے تو ضروری هے که اس کا عوض دے۔