رهن کے احکام

2309۔رهن یه هے که انسان قرض کے بدلے اپنا مال یا جس مال کے لئے ضامن بنا هو وه مال کسی کے پاس گروی رکھوائے که اگر رهن رکھوانے والا قرضه نه لوٹا سکے یا رهن نه چھڑا سکے تو رهن لینے والا شخص اس کو عوض اس مال سے لے سکے۔

2310۔رهن میں صیغه پڑھنا لازم نهیں هے بلکه اتنا کافی هے که گروی دینے والا اپنا مال گروی رکھنے کی نیت سے گروی لینے والے کو دے دے اور وه اسی نیت سے لے لے تو رهن صحیح هے۔

2311۔ ضروری هے که گروی رکھوانے والا اور گروی رکھنے والا بالغ اور عاقل هوں اور کسی نے انهیں اس معاملے کے لئے مجبور نه کیا هو اور یه بھی ضروری هے که مال گروی رکھوانے والا دیوالیه اور سفیه نه هو۔ دیوالیه اور سفیه کے معنی مسئله 2262 میں بتائے جاچکے هیں۔ اور اگر دیوالیه هو لیکن جو مال وه گروی رکھوا رها هے اس کا اپنا مال نه هو یا ان اموال میں سے نه هو جس کے تصرف کرنے سے منع کیا گیا هو تو کوئی اشکال نهیں هے۔

2312۔ انسان وه مال گروی رکھ سکتا هے جس میں وه شرعاً تصرف کر سکتا هو اور اگر کسی دوسرے کا مال اس کی اجازت سے گروی رکھ دے تو بھی صحیح هے۔

ص:436

2313۔ جس چیز کو گروی رکھا جا رها هو ضروری هے که اس کی خرید و فروخت صحیح هو۔ لهذا اگر شراب یا اس جیسی چیز گروی رکھی جائے تو درست نهیں هے۔

2314۔جس چیز کو گروی رکھا جا رها هے اس سے جو فائده هوگا وه اس چیز کے مالک کی ملکیت هوگا خواه وه گروی رکھوانے والا هو یا کوئی دوسرا شخص هو۔

2315۔گروی رکھنے والے نے جو مال بطور گروی لیا هو اس مال کو اس کے مالک کی اجازت کے بغیر خواه گروی رکھوانے والا هو یا کوئی دوسرا شخص کسی دوسرے کی ملکیت میں نهیں دے سکتا۔ مثلاً نه وه کسی دوسرے کو وه مال بخش سکتا هے نه کسی کو بیچ سکتا هے۔ لیکن اگر وه اس مال کو کسی کو بخش دے یا فروخت کر دے اور مالک بعد میں اجازت دے تو کوئی اشکال نهیں هے۔

2316۔اگر گروی رکھنے والا اس مال کو جو اس نے بطور گروی لیا هو اس کے مالک کی اجازت سے بیچ دے تو مال کی طرح اس کی قیمت گروی نهیں هوگی۔ اور یهی حکم هے اگر مالک کی اجازت کے بغیر بیچ دے اور مالک بعد میں اجازت دے (یعنی اس مال کی جو قیمت وصول کی جائے وه اس مال کی طرح گروی نهیں هوگی)۔ لیکن اگر گروی رکھوانے والا اس چیز کو گروی رکھنے والے کی اجازت سے بیچ دے تاکه اس کی قیمت کو گروی قرار دے تو ضروری هے که مالک کی اجازت سے بیچ دے اور اس کی مخالفت کرنے کی صورت میں معامله باطل هے۔ مگر یه که گروی رکھنے والےنے اس کی اجازت دی هو (تو پھر معامله صحیح هے)۔

2317۔جس وقت مقروض کو قرض ادا کر دینا چاهئے اگر قرض خواه اس وقت مطالبه کرے اور مقروض ادائیگی نه کرے تو اس صورت میں جب که قرض خواه مال کو فروخت کرکے اپنا قرضه اس کے مال سے وصول کرنے کا احتیاط رکھتا هو وه گروی لئے هوئے مال کو فروخت کرکے اپنا قرضه وصول کرسکتا هے۔ اور اگر اختیاط نه رکھتا هو تو اس کے لئے لازم هے که مقروض سے اجازت لے اور اگر اس تک پهنچ نه هو تو ضروری هے که حاکم شرع سے اس مال کو بیچ کر اس کی قیمت سے اپنا قرضه وصول کرنے کی اجازت لے اور دونوں صورتوں میں اگر قرضے سے زیاده قیمت وصول هو تو ضروری هے که زائد مال مقروض کو دیدے۔

ص:437

2318۔ اگر مقروض کے پاس اس مکان کے علاوه جس میں وه رهتا هو اور اس سامان کے علاوه جس کی اسے ضرورت هو اور کوئی چیز نه هو تو قرض خواه اس سے اپنے قرض کا مطالبه نهیں کر سکتا لیکن مقروض نے جو مال بطور گروی دیا هو اگرچه وه مکان اور سامان هی کیوں نه هو قرض خواه اسے بیچ کر اپنا قرض وصول کر سکتا هے۔