دودھ پلانے کے احکام

2473۔ اگر کوئی عورت ایک بچے کو ان شرائط کے ساتھ کے دودھ پلائے جو مسئله 2483 میں بیان هوں گی تو وه بچه مندرجه ذیل لوگوں کا محرم بن جاتا هے۔

1۔ خود وه عورت ۔ اور اسے رضاعی ماں کهتے هیں۔

2۔ عورت کا شوهر جو که دودھ کا مالک هے۔ اور اسے رضاعی باپ کهتے هیں۔

3۔ اس عورت باپ اور ماں۔ اور جهاں تک یه سلسله اوپر چلا جائے اگرچه وه اس عورت کے رضاعی ماں باپ هی کیوں نه هوں۔

4۔ اس عورت کے وه بچے جو پیدا هوچکے هوں یا بعد میں پیدا هوں۔

5۔ اس عورت کی اولاد کی اولاد خواه یه سلسله جس قدر بھی نیچے چلاجائے اور اولاد کی اولاد خواه حقیقی هو خواه اس کی اولاد نے ان بچوں کو دودھ پلایا هو۔

6۔ اس عورت کی بهنیں اور بھائی خواه وه رضاعی هی کیوں نه هوں یعنی دودھ پینے کی وجه سے اس عورت کے بهن اور بھائی بن گئے هوں۔

ص:465

7۔ اس عورت کا چچا اور پھوپھی خواه وه رضاعی هی کیوں نه هوں۔

8۔ اس عورت کا ماموں اور خاله خواه وه رضاعی هی کیوں نه هوں۔

9۔ اس عورت کے اس شوهر کی اولاد جو دودھ کا مالک هے۔ اور جهاں تک بھی یه سلسله نیچے چلا جائے اگرچه اس کی اولاد رضاعی هی کیوں نه هو۔

10۔ اس عورت کے اس شوهر کے ماں باپ جو دودھ کا مالک هے۔ اور جهاں تک بھی یه سلسله اوپر چلا جائے۔

11۔ اس عورت کے اس شوهر کے بهن بھائی جو دودھ کا مالک هے خواه اس کے رضای بهن بھائی هی کیوں نه هوں۔

12۔ اس عورت کا جو شوهر دودھ کا مالک هے اس کے چچا اور پھوپھیاں اور ماموں اور خالائیں۔ اور جهاں تک یه سلسله اوپر چلا جائے اور اگرچه وه رضاعی هی کیوں نه هوں۔

اور ان کے علاوه کئی اور لوگ بھی دودھ پلانے کی وجه سے محرم بن جاتے هیں جن کا ذکر آئنده مسائل میں کیا جائے گا۔

2474۔اگر کوئی عورت کسی بچے کو ان شرائط کے ساتھ دودھ پلائے جن کا ذکر مسئله 2483 میں کیا جائے گا تو اس بچے کا باپ ان لڑکیوں سے شادی نهیں کر سکتا جنهیں وه عورت جنم دے اور اگر ان میں سے کوئی ایک لڑکی ابھی اس کی بیوی هو تو اس کا نکاح ٹوٹ جائے گا۔ البته اس کا اس عورت کی رضاعی لڑکیوں سے نکاح کرنا جائز هے اگرچه احتیاط مستحب یه هے که ان کے ساتھ بھی نکاح نه کرے نیز احتیاط کی بنا پر وه اس عورت کے اس شوهر کی بیٹیوں سے نکاح نهیں کر سکتا جو دودھ کا مالک هے اگرچه وه اس شوهر کی رضاعی بیٹیاں هوں لهذا اگر اس وقت ان میں سے کوئی عورت اس کی بیوی هو تو احتیاط کی بنا پر اس کا نکاح ٹوٹ جاتا هے۔

2475۔ اگر کوئی عورت کسی بچے کو ان شرائط کے ساتھ دودھ پلائے جن کا ذکر مسئله 2483 میں کیا جائے گا تو اس عورت کا وه شوهر جو که دودھ کا مالک هے اس بچے کی بهنوں کا محرم نهیں بن جاتا لیکن احتیاط مستجب یه هے که وه ان سے شادی نه کرے نیز شوهر کے رشته دار بھی اس بچے کے بھائی بهنوں کے محرم نهیں بن جاتے۔

ص:466

2476۔ اگر کوئی عورت ایک بچے کو دودھ پلائے تو وه اس کے بھائیوں کی محرم نهیں بن جاتی اور اس عورت کے رشته دار بھی اس بچے کے بھائی بهنوں کے محرم نهیں بن جاتے۔

2477۔ اگر کوئی شخص اس عورت سے جس نے کسی لڑکی کو پورا دودھ پلایا هو نکاح کرلے اور اس سے مجامعت کرلے تو پھر وه اس لڑکی سے نکاح نهیں کرسکتا۔

2487۔ اگر کوئی شخص کسی لڑکی سے نکاح کرلے تو پھر وه اس عورت سے نکاح نهیں کرسکتا جس نے اس لڑکی کو پورا دودھ پلایا هو۔

2479۔ کوئی شخص اس لڑکی سے نکاح نهیں کرسکتا جسے اس شخص کی ماں یا دادی نے دودھ پلایا هو۔ نیز اگر کسی شخص کے باپ کی بیوی نے (یعنی اس کی سوتیلی ماں نے) اس شخص کے باپ کا مملو که دودھ کسی لڑکی کو پلایا هو تو هو شخص اس لڑکی سے نکاح نهیں کرسکتا۔ اور اگر کوئی شخص کسی دودھ پیتی بچی سے نکاح کرے اور اس کے بعد اس کی ماں یا دادی یا اس کی سوتیلی ماں اس بچی کو دودھ پلادے تو نکاح ٹوٹ جاتا هے۔

2480۔ جس لڑکی کو کسی شخص کی بهن یا بھابی نے بھائی کے دودھ سے پورا دودھ پلایا هو وه شخص اس لڑکی سے نکاح نهیں کرسکتا۔ اور جب کسی شخص کی بھانجی، بھتیجی یا بهن یا بھائی کی پوتی یا نواسی نے اس بچی کو دودھ پلایا هو تب بھی یهی حکم هے۔

2481۔اگر کوئی عورت اپنی لڑکی کے بچے کو (یعنی اپنے نواسے یا نواسی کو) پورا دودھ پلائے تو وه لڑکی اپنے شوهر پر حرام هوجائے گی۔ اور اگر کوئی عوعرت اس بچے کو دودھ پلائے جو اس کی لڑکی کے شوهر کی دوسری بیوی سے پیدا هوا هو تب بھی یهی حکم هے لیکن اگر کوئی عورت اپنے بیتے کے بچے کو (یعنی اپنے پوتے یا پوتی کو) دودھ پلائے تو اس کے بیٹے کی بیوی (یعنی دودھ پلائی کی بهو) جو اس دودھ پیتے بچے کی ماں هے اپنے شوهر پر حرام نهیں هوگی۔

2482۔ اگرکسی لڑکی کی سوتیلی ماں اس لڑکی کے شوهر کے بچے کو اس لڑکی کے باپ کا مملوکه دودھ پلادے تو اس احتیاط کی بنا پر جس کا ذکر مسئله 2474 میں کیا گیا هے، وه لڑکی اپنے شوهر پر حرام هو جاتی هے خواه بچه اس لڑکی کے بطن سے یا کسی دوسری عورت کے بطن سے هو۔