جنس اور اس کے عِوض کی شرائط

2098۔ جو چیز بیچی جائے اور جو چیز اس کے بدلے میں لی جائے اس کی پانچ شرطیں هیں :

(اول) ناپ، تول یا گنتی وغیره کی شکل میں اس کی مقدار معلوم هو۔

ص:391

(دوم) بیچنے والا ان چیزوں کو تحویل میں دینے کا اهل هو۔ اگر اهل نه هو تو سودا صحیح نهیں هے لیکن اگر وه اس کو کسی دوسری چیز کے کے ساتھ ملا کر بیچے جسے وه تحویل میں دے سکتا هو تو اس صورت میں لین دین صحیح هے البته ظاهر یه هے که اگر خریدار اس چیز کو جو خریدی هو اپنے قبضے میں لے سکتا هو اگرچه بیچنے والا اسے اس کی تحویل میں دینے کا اهل نه هو تو بھی لین دین صحیح هے مثلاً جو گھوڑا بھاگ گیا هو اگر اسے بیچے اور خریدنے والا اس گھوڑے کو ڈھونڈ سکتا هو تو اس سودے میں کوئی حرج نهیں اور وه صحیح هوگا اور اس صورت میں کسی بات کے اضافے کی ضرورت نهیں هے۔

(سوم) وه خصوصیات جو جنس اور عوض میں موجود هوں اور جن کی وجه سے سودے میں لوگوں کو دلچسپی میں فرق پڑتا هو معین کر دی جائیں۔

(چهارم) کسی دوسرے کا حق اس مال سے اس طرح وابسته نه هو که مال مالک کی ملکیت سے خارج هونے سے دوسرے کا حق ضائع هو جائے۔

(پنجم) بیچنے والا خود اس جنس کو بیچے نه که اس کی منفعت کو۔ پس مثال کے طور پر اگر مکان کی ایک سال کی منفعت بیچی جائے تو صحیح نهیں هے لیکن اگر خریدار نقد کی بجائے اپنی ملکیت کا منافع دے مثلاً کسی سے قالین یا دری وغیر خریدے اور اس کے عوض میں اپنا مکان کا ایک سال کا منافع اسے دے دے تو اس میں کوئی حرج نهیں۔ ان سب کے احکام آئنده مسائل میں بیان کئے جائیں گے۔

2099۔ جس جنس کا سودا کسی شهر میں تول کر یا ناپ کا کیا جاتا هو اس شهر میں ضروری هے اس جنس کو تول کر یا ناپ کر هی خریدے لیکن جس شهر میں اس جنس کا سودا اسے دیکھ کر کیا جاتا هوں اس شهر میں وه اسے دیکھ کر خرید سکتا هے۔

2100۔ جس چیز کی خریدوفروخت تول کرکی جاتی هو اس کا سودا ناپ کر بھی کیا جاسکتا هے مثال کے طور پر اگر ایک شخص دس من گیهوں بیچنا چاهے تو وه ایک ایسا پیمانه جس میں ایک من گیهوں سماتی هو دس مرتبه بھر کر دے سکتا هے۔

2101۔ اگر معامله چوتھی شرط کے علاوه جو شرائط بیان کی گئی هیں ان میں سے کوئی ایک شرط نه هونے کی بنا پر باطل هو لیکن بیچنے والا اور خریدار ایک دوسرے کے مال میں تصرف کرنے پر راضی هوں تو ان کے تصرف کرنے میں کوئی حرج نهیں۔

ص:392

2102۔جو چیز وقت کی جاچکی هو اس کا سودا باطل هے لیکن اگر وه چیز اس قدر خراب هو جائے که جس فائدے کے لئے وقف کی گئی هے وه حاصل نه کیا جاسکے یا وه چیز خراب هونے والی هو مثلاً مسجد کی چٹائی اس طرح پھٹ جائے که اس پر نماز نه پڑھی جاسکے تو جو شخص مُتَولِّی هے یا جسے مَتَولِّی جیسے اختیارات حاصل هوں اور اسے بیچ دے تو کوئی حرج نهیں اور احتیاط کی بنا پر جهاں تک ممکن هو اس کی قیمت اسی مسجد کے کسی ایسے کام پر خرچ کی جائے جو وقت کرنے والے کے مقصد سے قریب تر هو۔

2103۔ جب ان لوگوں کے مَابَین جن کے لئے مال وقف کیا گیا هو ایسا اختلاف پیدا هو جائے که اندیشه هو که اگر وقف شده مال فروخت نه کیا گیا تو مال یا کسی کی جان تلف هو جائے گی تو بعض (فقهاء) نے کها هے که وه ایسا کر سکتے هیں که مال بیچ کر رقم ایسے کام پر خرچ کریں جو وقف کرنے والے کے مقصد سے قریب هو لیکن یه حکم محل اشکال هے۔ هاں اگر وقف کرنے والا یه شرط لگائے که وقف کے بیچ دینے میں کوئی مصلحت هو تو بیچ دیا جائے تو اس صورت میں اسے بیچنے میں کوئی حرج نهیں هے۔

2104۔ جو جائداد کسی دوسرے کو کرائے پر دی گئی هو اس کی خریدوفروخت میں کوئی حرج نهیں هے لیکن جتنی مدت کے لئے اسے کرائے پر دی گئی هو اتنی مدت کی آمدنی صاحب جائداد کا مال هے اور اگر خریداد کو یه علم نه هو که وه جائداد کرائے پر دی جاچکی هے یا اس گمان کے تحت که کرائے کی مدت تھوڑی هے اس جائداد کو خرید لے تو جب اسے حقیقت حال کا علم هو، وه سودا فسخ کر سکتا هے۔