ترتیب

1117۔ اگر کوئی شخص جان بوجھ کر نماز کی ترتیب الٹ دے مثلاً الحمد سے پهلے سوره پڑھ لے یا رکوع سے پهلے سجدے بجالائے تو اس کی نماز باطل هوجاتی هے۔

1118۔ اگر کوئی شخص نماز کا کوئی رکن بھول جائے اور اس کے بعد کا رکن بجالائے مثلاً رکوع کرنے سے پهلے دو سجدے کرے تو اس کی نماز احتیاط کی بنا پر باطل هے۔

1119۔ اگر کوئی شخص نماز کو کوئی رکن بھول جائے اور ایسی چیز بجالائے جو اس کے بعد هو اور رکن نه هو مثلاً اس سے پهلے که دو سجدے کرے تشهد پڑھ لے تو ضروری هے که رکن بجالائے اور جو کچھ بھول کر اس سے پهلے پڑھا هو اسے دوباره پڑھے۔

1120۔ اگر کوئی شخص ایک ایسی چیز بھول جائے جو رکن نه هو اور اس کے بعد کا رکن بجالائے مثلاً الحمد بھول جائے اور رکوع میں چلاجائے تو اس کی نماز صحیح هے۔

1121۔ اگر کوئی شخص ایک ایسی چیز بھول جائے جو رکن نه هو اور اس چیز کو بجالائے جو اس کے بعد هو اور وه بھی رکن نه هو مثلاً الحمد بھول جائے اور سوره پڑھ لے تو ضروری هے که جو چیز بھول گیا هو وه بجائے اور اس کے بعد وه چیز جو بھول کر پهلے پڑھ لی هو دوباره پڑھے۔

1122۔ اگر کوئی شخص پهلا سجده اس خیال سے بجالائے که دوسرا سجده هے یا دوسرا سجده اس خیال سے بجالائے که پهلا سجده هے تو اس کی نماز صحیح هے اور اس کی پهلا سجده، پهلا سجده اور دوسرا سجده دوسرا سجده شمار هوگا۔

ص:220