بیوی اور شوهر کی میراث

2778۔ اگر کوئی عورت بے اولاد مرجائے تو اس کے سارے مال کا نصف حصه شوهر کو اور باقی مانده دوسرے ورثاء کو ملتا هے اور اگر کسی عورت کو پهلے شوهر سے یا کسی اور شوهر سے اولاد هو تو سارے مال کا چوتھائی حصه شوهر کو اور باقی مانده دوسرے ورثاء کو ملتا هے۔

ص:533

2779۔ اگر کوئی آدمی مرجائے اور اس کی کوئی اولاد نه هو تو اس کے مال کا چھوتھائی حصه اس کی بیوی کو اور باقی دوسرے ورثاء کو ملتا هے۔ اور اگر اس آدمی کو اس بیوی سے یا کسی اور بیوی سے اولاد هو تو مال کا آٹھواں حصه بیوی کو اور باقی دوسرے ورثاء کو ملتا هے۔ اور گھر کی زمین، باغ، کھیت اور دوسری زمینوں میں سے عورت نه خود زمین بطور میراث حاصل کرتی هے اور نه هی اس کی قیمت میں سے کوئی ترکه پاتی هے نیز وه گھر کی فضا میں قائم چیزوں مثلاً عمارت اور درختوں سے ترکه نهیں پاتی لیکن ان کی قیمت کی صورت میں ترکه پاتی هے۔ اور جو درخت، کھیت اور عمارتیں باغ کی زمین، مزروعه زمین اور دوسری زمینوں میں هوں اور ان کا بھی یهی حکم هے۔

2780۔ جن چیزوں میں سے عورت ترکه نهیں پاتی مثلاً رهائشی مکان کی زمین اگر وه ان میں تصرف کرنا چاهے تو ضروری هے که دوسرے ورثاء سے اجازت لے اور ورثاء جب تک عورت کا حصه نه دے دیں ان کے لئے جائز نهیں هے که اس کی اجازت کے بغیر ان چیزوں میں مثلاً عمارتوں اور درختوں میں تصرف کریں ان کی قیمت سے وه ترکه پاتی هے۔

2781۔اگر عمارت اور درخت وغیره کی قیمت لگانا مقصود هو تو جیسا که قیمت لگانے والوں کا معمول هوتا هے که جس زمین میں وه هیں اس کی خصوصیت کو پیش نظر رکھے بغیر ان کا حساب کریں که ان کی کتنی قیمت هے، نه که انهیں زمین سے اکھڑے هوئے فرض کرکے ان کی قیمت لگائیں اور نه هی ان کی قیمت کا حساب اس طرح کریں که وه بغیر کرائے کے اس زمین میں اسی حالت میں باقی رهیں یهاں تک که اجڑ جائیں۔

2782۔نهروں کا پانی بهنے کی جگه اور اسی طرح کی دوسری جگه زمین کا حکم رکھتی هے اور اینٹیں اور دوسری چیزیں جو اس میں لگائی گئی هوں اور وه عمارت کے حکم میں هیں۔

2783۔ اگر متوفی کی ایک سے زیاده بیویاں هوں لیکن اولاد کوئی نه تو مال کا چوتھا حصه اور اگر اولاد هو تو مال کا آٹھواں حصه اس تفصیل کے مطابق جس کا بیان هوچکا هے سب بیویوں میں مساوی طور پر تقسیم هوتاهے خواه شوهر نے ان سب کے ساتھ یا ان میں سے بعض کے ساتھ هم بستری نه بھی کی هو۔ لیکن اگر اس نے ایک ایسے مرض کی حالت میں جس مرض سے اس کی موت واقع هوئی هے کسی عورت سے نکاح کیا هو اور اس سے همبستری نه کی هو تو وه عورت اس سے ترکه نهیں پاتی اور وه مهر کا حق بھی نهیں رکھتی۔

ص:534

2784۔ اگر کوئی عورت مرض کی حالت میں کسی مرد سے شادی کرے اور اسی مرض میں مرجائے تو خواه مرد نے اس سے هم بستری نه بھی کی هو وه اس کے ترکے میں حصے دار هے۔

2785۔ اگر عورت کو اس ترتیب سے رجعی طلاق دی جائے جس کا ذکر طلاق کے احکام میں کیا جاچکا هے اور وه عدت کے دوران مرجائے تو شوهر اس سے ترکه پاتا هے۔ اسی طرح اگر شوهر اس عدت کے دوران فوت هوجائے تو بیوی اس سے تکه پاتی هے لیکن عدت گزرنے کے بعد یا بائن طلاق کی عدت کے دوران ان میں سے کوئی ایک مرجائے تو دوسرا اس سے ترکه نهیں پاتا۔

2786۔اگر شوهر مرض کی حالت میں اپنی بیوی کو طلاق دے دے اور باره قمری مهینے گزرنے سے پهلے مر جائے تو عورت تین شرطیں پوری کرنے پر اس کی میراث سے ترکه پاتی هے:

1۔ عورت نے اس مدت میں دوسرا شوهر نه کیا هو اور اگر دوسرا شوهر کیا هو تو اسے میراث نهیں ملے گی اگرچه احتیاط یه هے که صلح کرلیں (یعنی متوفی کے ورثاء عورت سے مصالحت کرلیں)۔

2۔ طلاق عورت کی مرضی اور درخواست پر نه هوئی هو۔ ورنه اسے میراث نهیں ملے گی خواه طلاق حاصل کرنے کے لئے اس نے اپنے شوهر کو کوئی چیز دی هو یا نه دی هو۔

3۔ شوهر نے جس مرض میں عورت کو طلاق دی هو اس مرح کے دوران اس مرض کی وجه سے یا کسی اور وجه سے مرگیا هو۔ لهذا اگر وه اس مرض سے شفایاب هوجائے اور کسی اور وجه سے مرجائے تو عورت اس سے میراث نهیں پاتی۔

2787۔ جو کپڑے مرد نے اپنی بیوی کو پهننے کے لئے فراهم کئے هوں اگرچه وه ان کپڑوں کو پهن چکی هو پھر بھی شوهر کے مرنے کے بعد وه شوهر کے مال کا حصه هوں گے۔