اِستِمنَاء

1597۔ اگر روزه دار اِستمِنَاء کرے (استمناء کے معنی مسئله 1581 بتائے جاچکے هیں) تو اس کا روزه باطل هوجاتا هے۔

1598۔ اگر بے اختیاری کی حالت میں کسی کی منی خارج هوجائے تو اس کا روزه باطل نهیں هے۔

1599۔ اگرچه روزه دار کو علم هو که اگر دن میں سوئے گا تو اسے احتلام هو جائے گا یعنی سوتے میں اس کی منی خارج هوجائے گی تب بھی اس کے لئے سونا جائز هے خواه نه سونے کی وجه سے اسے کوئی تکلیف نه بھی هو اور اگر اسے احتلام هو جائے تو اس کا روزه باطل نهیں هوتا۔

1600۔ اگر روزه دار منی خارج هوتے وقت نیند سے بیدار هو جائے تو اس پر یه واجب نهیں که منی کو نکلنے سے روکے۔

1601۔ جس روزه دار کو احتلام هوگیا تو وه پیشاپ کرسکتا هے خواه اسے یه علم هو که پیشاب کرنے سے باقیمانده منی نالی سے باهر آجائے گی۔

ص:302

1602۔ جب روزے دار کو احتلام هو جائے اگر اسے معلوم هو که منی نالی میں ره گئی هے اور اگر غسل سے پهلے پیشاب نهیں کرے گا تو غسل کے بعد منی اس کے جسم سے خارج هوگی تو احتیاط مستحب یه هے که غسل سے پهلے پیشاب کرے۔

1603۔جو شخص منی نکالنے کے ارادے سے چھیڑ چھاڑ اور دل لگی کرے تو خواه منی نه بھی نکلے احتیاط لازم کی بنا پر ضروری هے که روزے کو تمام کرے اور اس کی قضا بھی بجالائے۔

1604۔ اگر روزه دار منی نکالنے کے ارادے کے بغیر مثال کے طور پر اپنی بیوی سے چھیڑ چھاڑ اور هنسی مذاق کرے اور اسے اطمینان هو که منی خارج نهیں هوگی تو اگرچه اتفاقاً منی خارج هو جائے اس کا روزه صحیح هے۔ البته اگر اسے اطمینان نه هو تو اس صورت میں جب منی خارج هوگی تو اس کا روزه باطل هو جائے گا۔