محرم الحرام کے بارے میں امام علی فاونڈیشن کا بیان

باسمہ تعالی
قال رسول اللہ ص :ان الحسین مصباح الھدی و سفینۃ النجاۃ

عنقریب ھی فہم دین کے حوالے سے موسم امام حسین علیہ السلام اپنی تمام برکات و خیرات لے کر آ رھا ھے۔ اس ماہ میں ھم امام حسین ع سے اپنے قرب کو بڑھا کر امام ع کے دروس اور عبرتوں سے استفادہ کر سکتے ھیں۔ ابھی سے امام ع سے محبت و الفت رکھنے والے مومنین و مومنات اس محرم الحرام کے لئے اپنی تیاریوں میں مشغول ھیں اور اس کے فیوض و برکات سے استفادہ کرنے کے لئے آمادہ ھیں۔ لہذا امام علی فاونڈیشن کا خیال ھے کہ گزشتہ سالوں کی طرح خطبائے کرام کی مشارکت کے ساتھ مجالس حسینی کے لئے مراکز دینی کے دروازے کھلے رکھے جائیں، لیکن اس کے لئے ھر ملک کی حکومت کی جانب سے دی جانے والی گائیڈ لائن کا خیال رکھتے ھوئے تمام طبی اصولوں کو بھی مد نظررکھا جائے اور جن لوگوں کے لئے یہ ممکن نہ ھو تو وہ آنلائن مجالس حسینی میں شریک ھوں۔۔ اس بات کا خیال رھے کہ ھر مرکز مومنین میں سے شرکت کرنے والوں کے لئے بہترین طریقہ کار کا انتخاب کرے، چاھےنمبروار مومنین کو مرکز میں آنے کی دعوت دی جائے یا پہلے سے رزور کرنے وغیرہ کا سلسلہ متعارف کرایا جائے تاکہ قانون کو مد نظر رکھتے ھوئے زیادہ سے زیادہ مومنین شریک ھوسکیں اوراجر و ثواب حاصل کرسکیں۔

’’ذلک و من یعظم شعائراللہ فانھا من تقوی القلوب‘‘